banner-top12

Керек баған

Уақыты 19 мая, 2021 | қосқан shalqar | 79 рет оқылды

0

Жылжымайтын мүлікті сақтандыру жайлы білесіз бе?

Мүлікті сақтандыру дегеніміз не және ол не үшін қажет. Бұл туралы  Fingramota.kz сайты мәлімдеді, — деп хабарлайды Shalqar kz.

Жылжымайтын мүлікті не үшін сақтандыру қажет?

Апат салдары көбінесе мүліктің бүлінуіне немесе тіпті толық бүлінуіне әкеледі. Өкінішке орай, мұндай жағдайларда қалпына келтіру бойынша барлық шығындарды жәбірленуші өзіне алады. Әрине, егер онда сақтандыру болмаса.

Жылжымайтын мүлікті сақтандыру — бұл жылжымайтын мүліктің толық немесе ішінара зақымдану тәуекелдерінен кепілдендірілген қорғау. Ол сақтандырудың ерікті түрлеріне жатады және әрбір жеке қазақстандықтың жеке таңдауы болып қала береді.

Нені сақтандыруға болады?

Бүгінгі таңда барлығын сақтандыруға болады. Бұл сіздің үйіңіз немесе пәтеріңіз, тұрмыстық техника мен жиһаз және басқалар болуы мүмкін. Барлық жылжымалы және жылжымайтын мүлікті бүлінуден, дүлей зілзалалардан, өрттен, көршілерден аққан судың басып кетуінен, тұрмыстық газдың жарылуынан, бұзақылықтан, тонаудан, бұзып кіруден және т.б. сақтандыруға болады. Сақтандыру болса, қолайсыз оқиға орын алған кезде сіз сақтандыру компаниясынан өтемақы ала аласыз.

Мүлікті қандай тәуекелдерден сақтандырады?

Бұл — басты мәселе. Өзінің жылжымайтын мүлкін дұрыс сақтандыру үшін әрбір меншік иесі оның қандай тәуекелдерден сақтандырылуы маңызды екенін түсінуі тиіс. Криминогендік тұрғыдан қолайсыз аудандардың тұрғындары үйді бұзудан, ұрлықтан және өрттен жиі сақтандырады. Сейсмикалық қауіпті аудандардың тұрғындары – жер сілкіністерінен, жағалауға жақын орналасқан тұрғындар – су тасқынынан сақтандырады. Көп қабатты үйлердің тұрғындары көршілерден шыққан өрттен және мүліктің бүлінуінен сақтандыруды жиі таңдайды. Үйіңізді көршілерден аққан «су басып» кеткен жағдайда, олармен келісу мүмкін болмаған кезде, сіз сотқа жүгініп, сот талқылауларына барумен уақыт пен жүйкеңізді кетіресіз. Егер сізде сақтандыру болғанда, сіз өтемақы алатын едіңіз.
Неге назар аудару маңызды?
Есіңізде болсын, барлық мәліметтер шартта көрсетіледі. Сақтандыру төлемі жүзеге асырылатын барлық талаптар мен жағдайларды, сақтандыру тетігі қалай жұмыс істейтінін егжей-тегжейлі зерделемей, оған қол қоюға асықпаңыз, осы не өзге компанияның төлемдері мен тарифтерін түсініп алыңыз.

Жақсы беделі бар сенімді сақтандыру компаниясын таңдаңыз. Бұл сақтандырушының қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган берген лицензиясының бар-жоғын тексеріңіз. Сақтандыру ұйымдарының тізімімен сіз «www.gov.kz» сайтында «Қызмет» — «Рұқсаттар мен хабарламалар тізілімі» бөлімінен таныса аласыз.

Шарттың барлық талаптарымен мұқият және егжей-тегжейлі танысып шығыңыз. Бір компанияда тоқтамаңыз. Басқа сақтандырушылардың талаптарын салыстырыңыз.

Мыналарды біліңіз:

ұйым өкілдері сақтандыру жағдайына нені жатқызады;
сақтандыру полисі нені жабады;
қандай ерекшеліктері бар;
қандай тәуекелдер сақтандырумен жабылады, ал қайсысы жабылмайды;
сақтандыру жағдайы туындаған кезде не істеу керек және ол үшін қандай құжаттар қажет.
Сақтандыру төлемі қандай жағдайларда төленетінін және төленбейтінін нақтылаңыз. Егер сіз өз мүлкіңізге өзіңіз зиян келтірсеңіз, онда компания зиянды өтемейді. Қандай жағдайда компания төлемді жүзеге асыратыны көрсетілген шарттың бөлігін мұқият оқып шығыңыз. Төлем мөлшері, сондай-ақ сақтандыру жағдайларының тізбесі шартта көрсетіледі.

Сақтандыру ұйымы мына жағдайда пәтерге келтірілген залалды өтейді: 

  • Өрт немесе газдың жарылуы;
  • Су құбырың істен шығуынан болатын зардаптар;
  • Бөтен адамдардың әрекеттері (тонау, мүлікке қасақана зиян келтіру, т.с.с.);
  • Табиғи апаттар;
  • Жер сілкінісі.

Жылжымайтын мүлікті сақтандырудың қандай түрлері бар? 

Жылжымайтын мүліктің өзін сақтандыру. Бұл — үйіңізді сақтандырудың ең сенімді түрі. Сіз бұған айтарлықтай көп ақша жұмсамайсыз, есесіне егер құбырлар жарылып, үйді су басса, өрт шығып, тұрмыстық газдың жарылса, тіпті, үйіңізді тонап кетсе, шығындарды еселеп өндіріп алуыңызға болады. Бұл жағдайда үйдің қабырғалары, есіктері, төбесі мен терезелері сақтандырылады.

Үйдің жабдықтарын сақтандыру. Бұл, әсіресе, пәтер иелеріне ыңғайлы. Мәселен, көпқабатты үйлердің найзағай әсерінен зақымдануы екіталай. Бірақ сіздің көршілеріңіздің құбыры жарылса, сіз жақында үйіңізге көп ақша жұмсап, жасаған жөндеу жұмысыңыз зая кетуі ғажап емес. Егер сіз аталған сақтандыру түрін рәсімдеген болсаңыз, еден, есік, сантехникалық жабдықтар, кереге, пәтердің төбесіне кеткен шығындар өтеледі. Үйдің ішкі жабдықтарын сақтандыру алдыңғы түріне қарағанда арзанырақ, сол себепті де қала тұрғындарының арасында танымалдылыққа ие.

Біреуге зардап келтіргені үшін азаматтық-құқықтық жауапкершіліктен сақтандыру.  Жылыту және су жүйесі істен шығуын ешкім де болжай алмайды. Кей кездері біреудің құбырының жарылуы, сіздің пәтеріңізге зардабын әкелсе, ендігі жағдайда көршілеріңізді қиын жағдайға түсуіне сіз де себепкер болуыңыз мүмкін. Осы кезде көршілеріңізге келтірілген шығынды сіз емес, сақтандыру ұйымы өтейді. Дегенмен құбырдан аққан су сіздің үйіңізге де кесірін тигізсе, сақтандырудың бұл түрі залалды өтемейді. Сондықтан жауапкершіліктен сақтандырумен қоса, өзіңіздің баспаныңызды қорғауды да ұмытпаңыз.

Титулды сақтандыру. Сақтандарудың бұл түрі физикалық кесапаттардан емес, заң тұрғысындағы қауіптен сақтайды. Бұған қоса титулды сақтандыру сатып алу-сату келсім-шарты жасалған кезде ерікті түрде рәсімделеді. Мәселен, егер пәтеріңіз бұған дейін көп сатылған болса, сіздің оның бұрынғы иелерімен немесе олардың туыстарымен келіспеушілік туындауы әбден мүмкін. Айта кетерлік жайт, титулды сақтандыру рәсімдеу қымбатқа соғады: төлем тарифі үй бағасының 10%-ына дейін жетеді. Бұған қоса сақтандыру мерзімі шектеулі, келісімшартта көрсетілген мерзімге дейін жарайды.

Тұрғын үй полисі. Nomad Insurance ұйымы нарықта бұрын-соңды болмаған қолжетімді полис ұсынып отыр.  Қазақстандықтардың ыңғайына қарай бәрін nomad.kz сайтында онлайн жасау да қарастырылыпты. Төнетін қауіп-қатерлерге қарай полис құнын да, сақтандыру сомасын да таңдауға болады екен. Демек сіз аз ғана ақшаға баспанаңызды 75 мыңнан 3 миллион теңгеге дейін сақтандыра аласыз. Тұрғын үй полисі сіздің пәтеріңіз үшін қанша болатын өзіңіз есептей аласыз.

Тұрғын үй полисінің бағасы нарықтағы жағдай мен халықтың тұрмысына негізделіп қойылған.

Мүлікті сақтандыру үшін қандай құжаттар қажет? 

— Өтінішті толтыру қажет. Нысанды сақтандыру компаниясы ұсынады;

— Жеке басыңызды куәландыратын құжаттың көшірмесі және мүлікке немесе мүліктік мүддеге меншік құқығы туралы құжаттың көшірмесі (сатып алу — сату, жалға алу және т. б. туралы шарт) қоса берілсін;

— Жылжымайтын мүлік объектісінің құнын растайтын құжаттар.

 

 




Добавить комментарий

Ваш адрес email не будет опубликован. Обязательные поля помечены *

Back to Top ↑