banner-top12

Aqparattar ağımı 44760790_2179501032263781_7498309370288013312_n

Qosqan waqıtı Qazan 26, 2018 | 61 ret oqıldı | saýtqa qosqan shalqar

0

Abılaýxan Ospanov: Bïometrïya engizilgende, memlekettik qızmetterge qol jetkizw tipti oñaý boladı

43706441_2179501005597117_4219659412446380032_n 44760790_2179501032263781_7498309370288013312_n 44837898_2179501018930449_986064576367820800_n

Bügin Almatıda Birinşi nesïelik byuro bazasında ötken «FCB: Key To Customer» konferencïyasında «Azamattarğa arnalğan ükimet» memlekettik korporacïyasınıñ basqarma törağası Abılaýxan Ospanov bïometrïyalıq säýkestendirwdiñ engizilw barısın aýttı.
«Biz bïometrïyalıq derekter arqılı jeke tulğalardı anıqtaw jüýesin engizw jumıstarın «Ulttıq aqparattıq texnologïyalar» AQ-dağı äriptesterimizben birge jüzege asırwdamız», – dedi Abılaýxan Ospanov.
Bïometrïyalıq baza engizilgen jağdaýda azamattar élektrondıq portal men xalıqqa qızmet körsetw ortalıqtarında memlekettik qızmetterdi bet-älpetiniñ skan köşirmesi jäne sawsaq izderi arqılı ala aladı, yağnï özderimen birge jeke kwälikteri men élektrondıq cïfrlıq qoltañbaların (ÉCQ) äkelwdiñ qajeti bolmaýdı. Bul joba aqparattıq jüýelerdegi qoldanwşılar twralı derekterdi avtomattandırw jäne säýkestendirw maqsatında jasalıp jatır.
Qazirgi tañda memlekettik korporacïya «UAT» AQ-men birge memlekettik qızmetterdi bïometrïyalıq mexanïzm arqılı alw jobasın Astana jäne Almatı qalalarında pïlottıq tärtipte iske qospaq.
Bïometrïyalıq derekter bazasına tirkelgen azamattar ğana memlekettik qızmet alw barısında özderiniñ bïometrïyalıq mälimetterin qoldana aladı. Bul bazağa tirkelw erikti türde jürgiziledi.
Bïometrïyalıq säýkestendirwdiñ engizilwi qazaqstandıqtarğa memlekettik qızmetterge oñaýlıqpen qol jetkizwge mümkindik berip, sondaý-aq basqa birewdiñ qujatın qoldanw äreketterine jol bermeýdi. Qazirdiñ özinde Qazaqstannıñ qarjı sektorında bïometrïyalıq säýkestendirw jobası sätti jüzege asıp jatır. Mısalı, keýbir banktik qosımşalarğa sawsaq izi arqılı kirwge boladı.




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑