banner-top12

Aqparattar ağımı las-vegas

Qosqan waqıtı Qaraşa 10, 2017 | 68 ret oqıldı | saýtqa qosqan shalqar

0

«Almatı arwı» Las-Vegasta ötetin “Älem arwı 2017” baýqawına qatısadı

4 Kamïla v detstve kamïla Asïlova

Qazaqstannıñ atınan “Älem arwı 2017” baýqawına ötken jılğı «Almatı arwı» baýqawınıñ jeñimpazı 19 jastağı Kamïla Asïlova qatısadı. Fïnal 2017 jılı 26 qaraşada Las-Vegasta ötedi.

Kamïla Asïlova Respwblïkalıq Éstrada-cïrk kolledjiniñ xoreograf mamandığın tämamdağan. Öziniñ bï stwdïyasın aşwdı armandap jür.“Elimizdiñ atınan osındaý awqımdı baýqawğa qatısw baqıtınıñ buýırğanına öte qwanıştımın. Bul meniñ armanım bolatın. Ata-anama xabarlağan kezde olar da qwanıp, meni maqtan tutatındarın aýttı. Anam kişkentaý kezimde «arman-tilekter kartasın» salğanımdı, sol jerdegi armanımnıñ biri sulwlıq baýqawımen baýlanıstı bolğanın aýtıp, esime tüsirdi. Armandar orındaladı”, – dep bölisti oýımen Kamïla.

Qazir boýjetken saparğa daýındalıp jatır. Oğan “Qazaqstan arwı 2007” Alfïna Nasırova kömektesip jür. Aýtpaqşı, Alfïnanıñ xalıqaralıq baýqawlarğa qatıswda qomaqtı täjirïbesi bar. Ol «Älem arwı 2008» baýqawınıñ TOP-15 endi.

“Alfïna mağan jaqsı kömektesip jatır, keñester beredi, özimdi qalaý ustawım kerektigin üýretedi. Künde sabaq alamın, kïim ölşeýmiz, usaq-tüýekterge deýin tañdaýmız. Men oğan öte rïzamın!”, – dedi Kamïla.

Bïılğı «Almatı arwı» Sabïna Azïmbaeva 2018 jılı 18 jasqa tolğanda «Älem arwı» baýqawına baradı. Bastapqıda «Älem arwı» 2018 jıldıñ qañtarında Fïlïppïnda ötkiziledi dep josparlanğan. Soñğı sätte 2017 jılı 26 qaraşada Las-Vegasta ötkiziledi degen şeşim qabıldandı. Jas şamasına qoýılğan talaptarğa baýlanıstı arwlardıñ orındarı awıstırıldı.

«Älem arwı» (MissUniverse) – jıl saýın ötkiziletin sulwlıq baýqawı, bul älemdegi eñ bedeldi sulwlıq baýqawlarınıñ biri. Tïtwl ïegerimen jıldıq kelisimşart jasaladı, ol arw qaýırımdılıq jäne jarnamalıq maqsatta bükil älemdi aralap şığadı. «Älem arwı 2016» tïtwlınıñ ïegeri – Francïyalıq Ïrïs Mïttener.




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑