banner-top12

Aqparattar ağımı LogoDKK

Qosqan waqıtı Nawrız 28, 2017 | 549 ret oqıldı | saýtqa qosqan shalqar

0

Astanada älem qazaqtarı bas qosadı

Bïıl mawsım aýınıñ orta şeninde Astanada Dünïejüzi qazaqtarı qawımdastığınıñ uýımdastırwımen älem qazaqtarınıñ V qurıltaýı ötedi.

Ülken basqoswğa älemniñ 40 elinde kün keşip jatqan qazaq dïasporasınıñ 350 ökili men Qawımdastıqpen tikeleý baýlanısta jürgen Türki keñesi, Qıpşaqtar qoğamı, Äzerbaýjannıñ dïasporologïya isi jönindegi memlekettik komïteti, Älem moñğoldarı kongresi, Özbekstannıñ ultaralıq mädenïet ortalığı sïyaqtı xalıqaralıq uýımdardıñ adamdarı şaqırıladı. Qurıltaýğa respwblïkalıq märtebesi bar Astana, Almatı qalaları men barlıq oblıstardan, Ükimet pen Parlamentten jäne türli sayasï partïyalar men qoğamdıq uýımdar jäne BAQ ökilderi qatısadı. ÉKSPO körmesimen tuspa-tus ötetin bul qurıltaýdıñ tek qazaq xalqı üşin ğana emes, özge ult pen ulıs ökilderi üşin de mañızı zor. Öýtkeni, türkitildes xalıqtar arasında büginde Qazaq eliniñ atı da, abıroýı da ozıp tur. Dünïejüzi qazaqtarı qawımdastı­ğınıñ mälimetterine qarağanda, bügin­de Qazaqstannan sırt jerde ömir süretin qazaqtardıñ jalpı sanı 4-4,5 mïllïon adamdı quraýdı. Olar älemniñ 40-tan astam memleketinde tirşilik keşwde. Bul – Qazaqstan xalqınıñ törtten birinen astamı. Sondıqtan täwelsizdiktiñ alğaşqı künderinen bastap, şettegi qazaqtıñ ata­ju­rtqa oralwına jäne olarğa qatıstı derbes köşi-qon sayasatın qalıptastırwğa müddeli bolğan Qazaqstannıñ dïaspo­rağa qatıstı ustanımı eşqaşan özger­gen joq. Onı Elbası «Ulı Dala ulağattarı» dep atalatın jaña eñbegi­niñ «Qïırdan kelse qandastar» degen böliminde de toqtaldı. «Ağaýınğa arnap köp närse aýtqım-aq keledi. Alaýda, işteginiñ bäri sırtqa şığa bermeýdi ğoý. El tirligi, köpulttı Qazaqstannıñ birligi men tınıştığı jatsam-tursam kökeýimnen ketpeýtin mağan jalğasıp jatqan qazaq köşiniñ tağdırı tipti de oñaý sezilip turmağanın aýtqım keledi. Jıraqtağı jurtıñ twğan jerge jawtañdap qarap otırsa, kisiniñ janı qalaý jaý tabadı?!» – degen sözderi eriksiz jürekti selt etkizeri kümänsiz. Son­dıqtan da 25 jıldıñ işinde sırt­tağı 1 mïllïonğa jwıq ağaýınnıñ el­ge oralwına türtki bolıp, oğan jağdaý tw­ğızğan Qazaqstannıñ aldağı waqıtta bul ba­ğıtta atqarar is-qïmılı qandaý bolmaq jäne ol qalaý jüzege asadı degen sawal bü­ginde köpşiliktiñ kökeýinde jür. Bul suraqtar jawabı Astana törinde ötetin älem qazaqtarınıñ V qurıltaýında tağı da talqılanatın boladı. Dünïejüzi qazaqtarınıñ tuñğış qurıltaýı 1992 jılı qırküýek aýında Almatıda ötken bolatın. İİ qurıltaý 2002 jılı qazan aýında Türkistanda, İİİ qurıltaý 2005 jılı qırküýek aýında, al IV qurıltaý 2011 jılı mamır aýında Astanada ötti.

Erlik ERJANULI

ALMATI

Tolığıraq: https://egemen.kz/article/astanada-alem-qazaqtary-bas-qosady




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑