banner-top12

Aqparattar ağımı _DSC0601

Qosqan waqıtı Qañtar 12, 2018 | 313 ret oqıldı | saýtqa qosqan shalqar

0

Astanada cïfrlıq jäne mïgracïyalıq XQKO resmï türde aşıldı

 Bügin Astanada QR Premer-Mïnïstriniñ orınbasarı Asqar Jumağalïev, aqparat jäne kommwnïkacïyalar mïnïstri Däwren Abaev jäne mïgracïyalıq qızmet komïtetiniñ törağası Murat Qabdenov, Astana qalası İİD basşısı Marat Qojaevtıñ qatıswımen mïgracïyalıq jäne cïfrlıq xalıqqa qızmet körsetw ortalıqtarınıñ resmï aşılw saltanatı ötti, – dep xabarlaýdı «Azamattarğa arnalğan ükimet» memlekettik korporacïyası» KEAQ Baspasöz qızmeti.

Köşi-qon qızmetterin körsetw ortalığında şeteldik azamattarğa memlekettik qızmetter körsetiledi. 2017 jıldıñ jeltoqsan aýınan bastap pïlottıq tärtipte iske qosılğan mïgracïyalıq XQKO-da qujattardı qabıldaw jäne tirkew qızmetterin «Azamattarğa arnalğan ükimettiñ» mamandarı körsetedi. Nätïjesinde, köşi-qonğa baýlanıstı memlekettik qızmetter de «bir tereze» prïncïpi boýınşa bekitilgen standartqa saý usınılatın boladı.

Ïmanov köşesinde, 31 ornalasqan Mïgracïyalıq XQKO sağat tañğı 9.00-den keşki 18.30-ğa deýin üzilissiz jumıs isteýdi. Bul jerde medïcïnalıq tekseris pen daktïloskopïyadan ötip, saqtandırw polïsin räsimdewge jäne jeke säýkestendirw nömirin alwğa boladı. Buğan deýin şeteldikter Astanada jumıs istewge ruqsat alw üşin bes kün jürse, endi ruqsattı bir sağattıñ işinde räsimdeý aladı.

Aýta ketsek, 2017 jılı Qazaqstanda «Eñbekşi köşip kelwşige ruqsattar berw jäne uzartw» memlekettik qızmetin 446 mıñnan astam şeteldik azamat paýdalanğan.

Astanadağı cïfrlıq XQKO da bıltırğı jıldıñ jeltoqsanınan bastap testilik tärtipte jumıs istewde. Digital XQKO-da memlekettik qızmetter tolıqtaý avtomattı türde usınılıp, bul proceske operatorlar qatıspaýdı. Barlıq kompyuterde ornatılğan zïyatkerlik kömekşiler memlekettik qızmetti öz betinşe alıp jatqan azamattar üşin aýtï-keñesşi rölin atqaradı. Memlekettik qızmetterdi usınwdıñ jaña nusqası bolıp tabılatın cïfrlıq XQKO-da azamattar öz betinşe qoğamdıq qoljetimdilik orındarı, «Connection point» özine-özi qızmet körsetw sektorları jäne arnaýı stend-pavïlondarındağı planşetter arqılı élektrondıq ötinişter beredi.

Sondaý-aq, 2017 jıldıñ 20 jeltoqsanında xalıqtıñ cïfrlıq sawatın aşw maqsatında tegin oqw sınıbı aşıldı. Oqw aptanıñ är küninde bekitilgen taqırıptar boýınşa sağat 9:00-den 20:00 aralığında jürgiziledi. «Cïfrlıq Qazaqstan» memlekettik bağdarlaması ayasında uýımdastırılğan oqw sınıbında front-ofïs mamandarı azamattarğa www.egov.kz élektrondıq ükimet portalın paýdalanw joldarın tüsindirip, memlekettik qızmetterge öz betinşe qol jetkizwge üýretedi. Bir sağattı quraýtın sawat aşw kwrsına kez-kelgen adam qatısa aladı.

 




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑