banner-top12

Aqparattar ağımı IMG_7108

Qosqan waqıtı Qazan 22, 2018 | 39 ret oqıldı | saýtqa qosqan shalqar

0

«Azamattarğa arnalğan ükimet»: 150 mıñ teñge taratıladı degen aqparat jalğan

«Azamattarğa arnalğan ükimet» jalğan aqparatqa senbewdi, XQO-ğa waqıt ketirip kelmewdi eskertedi, dep xabarlaýdı QazAqparat «Azamattarğa arnalğan ükimet» memlekettik korporacïyasınıñ Almatı böliminiñ baspasöz qızmetine silteme jasap.

Birıñğaý zeýnetaqı jïnaqtaw qorı da ötken aýda ğana öz salımşılarına ïnflyacïyağa baýlanıstı 150 mıñ teñgeden taratatını twralı aqparattıñ şındıqqa saý kelmeýtinin eskertken bolatın. Qor (BJZQ) salımşıların (tutınwşıların) tağı da mundaý resmï emes aqparattarğa senbewge şaqırdı. Sondaý-aq, jalğan aqparat taratw zañdıq turğıda qwdalanatının da eskertken. Aýta keteýik, soñğı aptada mundaý jalğan aqparattar qaýtadan älewmettik jeliden tarala bastadı. Oğan sengen xalıq Xalıqqa qızmet körsetw ortalıqtarına ağılwda.

El işinde negizinen üş türli dıbıstıq  xabarlama taralwda.

Onıñ işinde  «Qızdar, sälem! Kimniñ ataları, eneleri pensïoner? Ataları 63-ten asw kerek, eneleri 58-den asw kerek. Eger, sondaý pensïonerler bolatın bolsa CON-ğa barıp, ötiniş jazadı, jazğannan keýin ïnflyacïyağa baýlanıstı pensïonerlerdiñ bärine aqşa berip jatır eken. Meniñ enem osı aptanıñ basında barıp zayavlenïe jazıp keldi, bügin 80 mıñ teñge tüsti bizge. Sonı aýtıp qoyaýın degem. Aqşa eşqaşan artıq bolmaýdı ğoý, ata-eneleriñdi jiberiñder CON-ğa» degen awdïo jür.

Bul xabarlamadan keýin özin Raýxan dep tanıstırğan tağı bir äýel adam 150 mıñ teñge twralı aqparattıñ «feýk» emes, ras ekenin aýtıp, tağı bir jazba taratqan.

Üşinşi awdïo-jazba er adamnıñ dawsımen taraldı. «Salamatsız ba? Bul pensïonnıý fondtan beriletin aqşa emes, bul Gos.garantïya dep ataladı… Bul bir-aq ret tölenetin aqşa, ol 150 mıñ emes, birewge 50 mıñ, birewge 100 mıñ, birewge 10, birewge 200 mıñ şığadı. Ol kezinde qandaý fondta boldı, soğan baýlanıstı şığatın aqşa» delingen awdïo xabarlamada. «WhatsApp arqılı taratılğan osındaý  aqparattardan soñ Almatı qalasındağı Xalıqqa qızmet körsetw ortalıqtarına zeýnetkerler ağılıp kelwde. Kezek kütwşiler sanı azayar emes. Ülken kisiler bul aqparattardıñ negizsiz, jalğan ekenin bilmeýtin bolw kerek. Osı jäne özge de osığan qatıstı aqparattardıñ bäri jalğan. Azamattarğa ïnflyacïya da, basqası da eseptelip, zeýnetke şığa salğanda tölenetin birrettik tölemde beriledi. Odan bölek aqşanıñ qunsızdanwına baýlanıstı eşqandaý da ötemaqı qarastırılmağan», – dedi «Azamattarğa arnalğan ükimet» memlekettik korporacïyası Almatı qalası fïlïalınıñ PR-menedjeri Jañıl Äpetova.

Korporacïya ökilderi xalıqqa älewmettik jeliler arqılı taratılatın är türli xabarlamalarğa senbeý, tek resmï aqparat közinen alınğan aqparattarğa ğana senw kerektigin aýtadı. Sonımen qatar quzırlı organdardıñ aýtwınşa, ülken kisilerge waqıttarın ketirip XQO-larğa kelwiniñ qajeti joq.

 




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑