banner-top12

Aqparattar ağımı 44787259_131296121176858_8187421853430579200_o (1)

Qosqan waqıtı Qazan 25, 2018 | 66 ret oqıldı | saýtqa qosqan shalqar

0

Éstrada jäne sport juldızdarı élektrondıq ükimet portalı arqılı qızmet körsetti

«Azamattarğa arnalğan ükimet» memlekettik korporacïyası Almatı qalası Nawrızbaý awdandıq front-ofïsinde cïfrlıq qızmetterdi tanımal etwge arnalğan akcïya ötti.

Şarağa éstrada jäne sport juldızdarı – «Mwzart» tobınıñ änşileri Meýrambek Bespaev, Kenjebek Janäbilov, djïw-djïtswdan, jawıngerlik sambodan, jekpe-jekten sport şeberi, ISCP nusqası boýınşa käsibï pankratïonnan älem çempïonı, MMA boýınşa NOFC Gran-Prï twrnïriniñ jeñimpazı Erjan Estanov, erejesiz jekpe-jekten älem çempïonı Osmanjan Kasïmov, änşiler Roman Maýğazïev, Talğat Jorabaev, Raýım Waýıs jäne tağı basqa  tanımal tulğalar qatısıp, Nawrızbaý awdandıq front-ofïs kelwşilerine qızmet körsetti.

44685227_131296334510170_8341982788517363712_o 44760789_2113592685623333_9093462981391417344_o photo_2018-10-24_17-48-08 photo_2018-10-24_17-48-25 photo_2018-10-24_17-48-45 photo_2018-10-24_17-49-0343573264_131296134510190_7930235535254093824_o44787259_131296121176858_8187421853430579200_o (1)

Akcïya barısında azamattarğa élektrondıq cïfrlıq qoltañba (ÉCQ) alw, mobïldi ükimetke tirkelw joldarı körsetildi. Juldızdar élektrondıq kezek talonın usınıp, memlekettik qızmetterdi alw boýınşa keñes berdi. Turğındardıñ cïfrlıq sawattılığın köterip, élektrondıq qızmetterdi üýden nemese jumıs ornınan öz betinşe alwğa, «Élektrondıq ükimet» veb-portalı arqılı köp suranısqa ïe anıqtamalardı alwğa üýretip, smartfon, planşet arqılı bir rettik kod kömegimen öz mälimetterin tekserw qızmetterin keñinen nasïxattadı.

–Xalıqqa qızmet körsetw ortalığına jïi kelip jürip, munda qızmet körsetw osınşalıq jawapkerşilik pen sabırlılıqtı, tözimdilikti talap etetinin bilmeppin. Tolassız kelip jatqan är türli minezdi adamdardıñ köñilin tawıp, şarşağanıñdı sezdirmeý, tik turıp qızmet etw, suraqtarına qanağattanarlıqpen jawap berw ekiniñ biriniñ qolınan kele bermeýdi. Bul jerde jumıs isteýtin azamattar besaspap mamandar, nağız tözimdi jawıngerler der edim. XQO qızmetkerleri künbe-kün engizilip jatqan cïfrlıq qızmetterdi meñgere otırıp, onı özgelerge üýretip, ülken jumıs tındırıp jatır eken. Biz bügin olardı qoldap kelip otırmız. Bir küngi azğantaý qoldawımız, xalıq ïgiligine jarap jatsa, maqsatımızdıñ orındalğanı, – deýdi änşi Roman Maýğazïev.

Qızmet alwşılar öz kwmïrleriniñ qolınan anıqtamalar alıp qana qoýmaý, olarmen swretke tüsw mümkindigin de jiberip almadı.

–Ärbir adam öz waqıtın ünemdep, memlekettik qızmetterdi onlaýn alwğa üýretw maqsatında mundaý akcïyalardı wnïversïtetterde, sawda ortalıqtarında jäne t.b. adamdar köp jïnalatın orındarda ötkizip jürmiz, – deýdi «Azamattarğa arnalğan ükimet» memlekettik korporacïyası Almatı qalası fïlïalınıñ PR-menedjeri Jañıl Äpetova.

Akcïya ayasında azamattarğa cïfrlıq qızmet alw joldarı körsetilgen arnaýı paraqşalar taratıldı.

Köptegen memlekettik qızmetterdi üýden şıqpaý-aq alw eş qïın emes. Ol üşin pki.gov.kz  arqılı ÉSQ alwğa ötiniş berip, memlekettik korporacïyanıñ kez-kelgen front-ofïsine barıp ötinişin rastap, qajet bolsa özine-özi qızmet körsetw sektorınan qızmet alwğa baýlanıstı  tolıq keñes alwına boladı. ÉSQ-sız da bir rettik SMS xabarlama arqılı 40- tan asa memlekettik qızmet türin jäne EgovKzBot telegram bot  arqılı da alwğa boladı.
Mobïldik ükimet portplına kez-kelgen XQO-da nemese  élektrondıq ükimet portalındağı jeke kabïnetiñizde tirkelwge boladı.

 




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑