banner-top12

Poézïya voda_reka_goryi_sneg_ozero

Qosqan waqıtı Jeltoqsan 20, 2018 | 64 ret oqıldı | saýtqa qosqan shalqar

0

Men endi neni tüsindim…

 Sabır, sabır bawırım

Jılasañ da işti örtegen küýikten ,

Qulasañ da asw bermes bïikten .

Surasañ da bir Alladan mol baýlıq ,

Qaltalımen tursa eken dep ïıq teñ ,

Sabır, sabır bawırım .

 

Sezimge erip sağım qwıp jürseñ de ,

Köziñ körip qwanıştı külseñ de .

Öziñ kelip awılına dostıqtıñ ,

Sıýlastıqtıñ şın qadirin bilseñ de ,

Sabır, sabır bawırım .

 

Mañdaýıña jazılmasa äkimdik,

Tañdaýıña jır quýmasa aqındıq .

Qal jaýıña qaramasa bawırlar ,

Janaşır bop körsetpese jaqındıq ,

Sabır, sabır bawırım  .

 

Kisiligiñ kisinese qulındaý ,

Kişiligiñ ketse üzilip julındaý .

Tüsinigiñ tuñğïıqqa maltığıp ,

Baqıt sağan ketse egerde burılmaý,

Sabır, sabır bawırım .

 

Qolıñ qısqa bolsadağı qadirlim ,

Jolın nusqa adamğa päk arıñnıñ .

Jadıñda usta aýnalaýın bawırım,

Sarı altın bop qalatının sabırdıñ,

Qanatıñ bop qalatının qadirdiñ .

 

.

Jañbır soñı aq ulpa qarğa aýnaldı ,

Appaq körinis boladı qandaý mändi .

Appaq qardaý jutsam da sezim balın,

Qanbaý qaldı swsınım qanbaý qaldı,.

Burınğıdaý şölirkep tañdaý qaldı…

 

Öziñ ediñ sırlasım, muñdasım da ,

Sendeý qımbat sezilmes qundı asıl da.

Seni süýip şölimdi basw üşin,

Jetpeýtinin tüsindim bir ğasır da .

 

Şer ağa

Şer ağa, şerge tolıp kökiregiñ ,

Qamığıp qazağım dep ötip ediñ .

Öziñdeý on ul bolsa arman bar ma ,

Amal ne, jalğız boldıñ ….

Ökinemin !!!

 

Kün jalğız, Aý da jalğız aspandağı ,

Quladı jalğız Emen asqardağı.

Aýdın köl aýbatınan aýırıldı,

” Üýrektiñ örge jüzbeý qasqaldağı”.

 

Bul ömir şınımen de sınaq qurbı,

Dünïe azalı ünge qulaq türdi.

Qazığurt qandaý küýde qaýdan bilem,

Alataw ağıl-tegil jılap turdı…

 

Qaýğırıp qanşa aýtsaq ta öleñ, ändi ,

Biz endi köre almaýmız Şer ağamdı .

İsiñmen rïza etip eñ El anañdı,

Jat endi tebirentip Jer anañdı .

 

Ulım men uşpasın dep qızım oqqa ,

El üşin tüstiñ qanşa qızıl otqa.

Sw keşken etikpenen qaýran sabaz,

Şalqısın nurıñ endi Ujımaqta .

 

Bul ğalam zärw sendeý Ğajaptarğa ,

Sırıñdı sıýğıza almaýmın az aqparğa .

Baqıl bol !

Qaýran meniñ Şer ağam-aý ,

Sen barsıñ qara ormandaý qazaq barda.

 

Läzzat Ïgisinqızına

Tätti almanıñ dämindeý küzde jegen,

Şın dostıqtıñ belgisi bizdegi öleñ.

Lapıldaýdı jürekten sağınışım,

Basılmaýdı qurmetim sizge degen.

 

Sizge degen qurmetim ala böten,

Kökoraý bel, kök şalğın dalağa teñ.

Söýlespesem köñilim köterilmeý,

İzdemesem jabırqap qaladı eken.

 

Bolmağan soñ jat oýlar bizde böten,

Armandardan men sizdi izdep ötem.

Pendelikten peýilsiz mezi bolğan,

Meýirimniñ mekeni sizde me eken.

 

Öziñizden ömirdiñ sırın uqtım,

Siz bar jerde qaladı buğınıp muñ,

Ortamızda jüriñiz aman-esen,

Köşin bastap kirşiksiz ulılıqtıñ.

 

Şirkin men de aqın bolsam ğoý

Jazarmın dep, jazarmın dep erteñ bir,

Äli künge jaza almadım körkem jır.

Basqalardıñ maldas qurıp törinde,

Mağan nege jırlamaý jür örtengir.

 

Menen nege qaşqaqtaýdı mol şabıt,

Mağan nege renjïdi sonşalıq.

Abaý bolıp tolğanaýın dep edim,

Maxambet bop qoramsaqqa qol salıp.

 

Baqıtımdı tapsam dep em öleñnen,

Öz dertimdi jazsam dep em öleñmen.

Qara öleñniñ qazınasın taba almaý,

Qaýırşınıñ küýin keşip kelem men.

 

Ätteñ, ätteñ ne paýda bar ätteñnen,

Beýşaramın şöl dalağa tap kelgen.

Adamdarğa qızğanışpen qaraýmın,

Jaratwşım tañdaýına baq bergen.

Şirkin men de aqın bolmsam ğoý…

2018 jıl 11 qazan, Almatı

Nurdınbek Nurasbaev




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑