banner-top12

Suxbat mqdefault

Qosqan waqıtı Mamır 12, 2016 | 946 ret oqıldı | saýtqa qosqan shalqar

0

Muxamedjan TAZABEK: Älemniñ qaý tükpirinde jürse de, qazaqtıñ awızbirşiligi qajet

Osı aptanıñ ayağında Germanïyanıñ Keln qalasında Ewropa qazaqtarınıñ qurıltaýı ötedi. Qazaqstannan da jïırmağa tarta azamat nemis jerindegi basqoswğa qatısw üşin Xalıqaralıq “Janaşır” qoğamdıq qorınıñ uýımdastırwımen  saparğa attanbaq.. Arasında qazaqtıñ belgili aýtısker aqını, QR eñbek siñirgen qaýratkeri Muxamedjan Tazabek te bar. Sapar aldında birneşe suraq qoyuğa mümkindik aldıq.

  – Muxamedjan Orazbaýulı, bul sapardıñ mänisi qandaý, maqsatı nendeý?

– Özderiñiz de biletindeý, qurıltaýdıñ maqsatı – käri qurlıqtıñ är jerinde jürgen qandastardıñ bir basın qosw, jastardı bir-birimen tanıstırw, uýıstırw jäne qazaq mädenïeti men önerinen qol üzbewge şaqırw ğoý. Şetelde jürgen otandastarın atamekenge qaýtwğa arnaýı şaqırğan älemde üş-aq memleket bolatın bolsa, sonıñ biri – Qazaqstan. Osıdan-aq añğarwğa bolatın şığar, älemniñ qaý tükpirinde jürse de, bizge qazir jalpı qazaqtıñ birtutastığı, awızbirşiligi, aýrandaý uýığan berekeliligi asa qajet. Älbette, qazirgideý jahandanw zamanında dünïedegi külli qazaqtı Qazaqstanğa jïnap alw mümkin emes şığar. Biraq bir anığı – kim qaý jerde jürse de, atajurttağı ağaýınmen qan men jannıñ, dästür men salt-sananıñ rwxanï baýlanısı üzilmegeni durıs. Ol üşin älbette osındaý basqoswlar, jüzdeswler, barıs-kelister jïi bolıp turwı kerek. Sondıqtan osı qurıltaýdıñ mañızı zor, sapardı uýımdastırıp jatqan «Janaşır» qorıniki de nağız elge, jurtqa degen janaşırlıq.
– Aýtısker retinde ğana emes, ulttıq aýtıs önerin nasïxattawşı jäne jaña bwınnıñ tärbïeşisi retinde de töl önerge qomaqtı üles qosıp kelesiz. Osı jolı Sizben birge Germanïyağa iziñizden ergen inileriñiz – arındı aýtıs aqındarı Jandarbek Bulğaqov pen Sırım Äwezxan da bara jatır eken?
– Ewropa qazaqtarıñ basqoswı – bul da bir qazaqtıñ toýı dep oýlaýmın. Al qazaqtıñ qaý toýın qarasañız da, balwanı, aqını, jalpı önerpazı sol toýdıñ töñireginen tabıladı. Aqındarımızdıñ jırı arqılı Täwelsizdigimizdiñ 25 jıldığın toýlağanı jatqan elimizdegi qwanıştı köñil-küýdi de alıstağı ağaýınğa sezirgimiz keledi. Osı jıldardağı memleketimiz jetken jetistikter men Elbasımızdıñ eren eñbekterin jas ta bolsa köşeli söz aýtıp jürgen aqındarımızdıñ jırları arqılı jetkizgimiz keledi. Negizi Sırım men Jandarbek – sol şeteldegi bawırlardıñ, qala berdi osı sapardı uýımdastırıp jürgen «Janaşır» qoğamdıq qorınıñ qalawı. Äýtepese, men onda menedjer bop aýtıs uýımdastırwğa bara jatqan joqpın ğoý. Bılaý qarasañızdar, men de toýğa şaqırılğan köp önerpazdıñ birimin. Ras, osı jasımızğa deýin ärtürli deñgeýde birneşe aýtıs ötkizip kördik. Biraq qazaq dese, aýtıs eske tüsetini sïyaqtı, aýtıs dese – ayawlı ağamız Jürsin Erman oýğa oraladı. Osı şarağa arnaýı bara jatqan änşi, aýtısker aqın Töreğalï Töreäli inim de, qazaqtıñ ayawlı uldarınıñ biri, kompozïtor Ulıqpan Joldasov bawırım da osı şaranıñ şıraýın keltire tüseri anıq.
– Ärtürli taqırıptarda aýtısker aqındarğa arnalğan şeberlik trenïngterdiñ avtorı ekeniñizdi bilemiz, otbası taqırıbında da lekcïya oqıp turasız. Ewropa qazaqtarı arasında da qandaý da bir trenïng nemese lekcïya ötkizw josparda bar ma?
– Ïya, aqındıq täjirïbemiz bolğannan keýin keýingi bwınmen bilgenimizdi bölisip jatamız. Öýtkeni, aýtıskerlerge qoğamnıñ tamır bülkilin, tınıs-tirşiligin döp basıp aýtw mañızdı. Bul bir aqılımızdıñ tasıp bara jatqanınan emes, bizdiñ bwınğa tän bolğan keýbir kemşilikterdi inilerimiz qaýtalamasa eken degen janaşırlıqtan twğan is bolatın. Bul da özimbilermendikpen emes, Jürsin ağamızben aqıldasa atqarılğan şarwalar. Al respwblïkalıq «Asıl arna» telearnasınıñ basşısı retinde qoğammen tığıp baýlanısta bolğandıqtan, rwxanï, otbasılıq mäselelerden de xabarımız joq emes. Ras, ärtürli suraqtarğa oraý jawap berip, wnïversïtetterde kezdeswler de ötkizip jatamız. Aqın bolğannan keýin, «qalağandarıñ söz bolsa…» degendeý bizge ündemeý otırğannan söýlep, qajetti oýdı saptap otırğan abzalıraq qoý. Sondıqtan, sağınısqan ağaýınmen kezdeswlerde sawaldar qoýılıp jatsa, qadarï-xalimizge qaraý jawap berermiz. Uýımdastırwşılardıñ söz awanına qarağanda da ïmannan bastaw alatın rwxanïyatımız jaýlı, memleketşildik, qoğam men bügingi zaman talabı jaýlı sanqïlı salïqalı äñgimege özek bolatın ğïbrattı jïın bolatın sındı. Salïqalı basqosw, berekeli jïınnıñ öz deñgeýinde ötwine ärqaşan tilektestik nïettemiz.
 – Waqıt bölgeniñizge raxmet!




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑