banner-top12

Aqparattar ağımı slwj zapïska 101

Qosqan waqıtı Qazan 25, 2018 | 68 ret oqıldı | saýtqa qosqan shalqar

0

Üş aý işinde 300 mıñnan astam jıljımaýtın mülikke quqıq tirkelgen

slwj zapïska 02344815420_2179061502307734_7279326176324091904_o slwj zapïska 045 slwj zapïska 046 slwj zapïska 047 slwj zapïska 058 slwj zapïska 094 slwj zapïska 103

Bügin QR Parlamenti Mäjilisiniñ depwtattarı jıljımaýtın mülikke quqıqtı tirkew qızmetiniñ körsetilw barısımen tanısw üşin «Azamattarğa arnalğan ükimettiñ» bék-ofïsi men front-ofïsterin araladı.
Eske salsaq, bïıl şilde aýında Ädilet mïnïstrliginiñ quzırındağı jıljımaýtın mülikke quqıqtardı tirkew memlekettik qızmeti «Azamattarğa arnalğan ükimet» memlekettik korporacïyasına ötken bolatın.
Memlekettik korporacïya törağası Abılaýxan Ospanov QR Parlament Mäjilisiniñ depwtattarı, Zañnama jäne sot-quqıqtıq reforma komïtetiniñ müşeleri Balaýım Kesebaeva men Snejanna Ïmaşevağa bék-ofïsterde «Jıljımaýtın mülik regïstri» memlekettik derekter qorınıñ aqparattıq jüýesindegi jıljımaýtın mülikterdi tirkew boýınşa jumıs barısı qalaý jürip jatqanın körsetti.
«Bul fwnkcïya bizdiñ quzırımızğa ötkennen beri memlekettik korporacïyanıñ fïlïaldarı arqılı 300 mıñnan astam jıljımaýtın mülikke quqıq tirkeldi. Sondaý-aq quqıqtıq kadastrden derekter berw jäne quqıq belgileýtin qujattıñ köşirmesin berw sïyaqtı 360 mıñdaý aqparattıq qızmet körsetildi. Qazir bul qızmettermen bizdiñ 800-den astam jumısşımız aýnalıswda», – dedi Abılaýxan Ospanov.
Sonımen qatar 140 mıñnan astam jıljımaýtın mülikke quqıq élektrondıq nusqada tirkeldi. Qazirgi tañda qızmet alwşılar élektrondıq tirkewdi tañdaýdı, sebebi jıljımaýtın mülikke quqıq tirkew kelisim-şartın notarïwstan şıqpaý-aq joldaý aladı.
A. Ospanovtıñ aýtwınşa, memlekettik korporacïyanıñ qızmetkerleri qağaz jüzindegi jıljımaýtın mülik nısandarınıñ texnïkalıq pasportın élektrondıq nusqağa awıstırw mäselesimen aýnalısıp jatır. Sondaý-aq qaýtadan qurılğan jıljımaýtın mülikter quqıq kadastrına derekter engizw men jıljımaýtın mülikke quqıq tirkew memlekettik qızmetterin biriktirw arqılı kompozïttik qızmetti engizw josparlanwda. «Bul azamattardıñ eki qızmetti birden alwğa, nätïjesinde bék-ofïsterge kelw jïiligin azaýtwğa mümkindik beredi. Sonımen qatar ekinşi deñgeýli banktermen birge Blockchain texnologïyasın qoldanw arqılı jıljımaýtın mülikke kepil salw men kepildi alıp tastaw boýınşa élektrondıq tirkew engizw jobasın jasap jatırmız», – dedi ol.
Depwtattar Almatı qalası men Almatı oblısında ornalasqan xalıqqa qızmet körsetw ortalıqtarınıñ jumısın bağalap, qızmetalwşılarmen tildesip, memlekettik qızmet körsetw salasın damıtw boýınşa usınıs-tilekterin tıñdadı.




Pikir üstew

É-poşta mekenjaýıñız jarïyalanbaýdı. Mindetti örister * tañbalanğan

Back to Top ↑