Қытайда Ресей, Қазақ­стан және Орталық Азияны зерт­тейтін отыздан астам институт­тар мен орталық бар. Олар біздің тарихымыздан тартып, қазіргі жағдайымызды жан-жақты терең зерт­теп отыр.

Олар мемлекеттік бюджет­тен қаржыланады және жобалар арқылы грантпен қаржыланады.

Сол арқылы Қазақстанға келеді, айлап, жылдап жатып зерт­теу жүргізеді. Ондай институт­тан бізде тек Р. Сүлейменов атындағы Шығыстану институты ғана бар.

Бірақ олардың зерт­теу нысаны – Қытайды қамтыған бүкіл Шығыс елдері.

Соңғы жылдары аталмыш институт қазіргі Қытайды зерт­теуге ойысып, қолданбалы маңызы зор өзекті тақырыптар бо­йынша жүргізген зерт­теу нәтижелерін жариялай бастады. Бұл – құптарлық беталыс.