Қазақстанға ресми сапармен келген Словения президенті Наташа Пирц-Мусарды Ақордада салтанатты түрде қарсы алу рәсімі өтті. Мемлекет басшылары бір-біріне делегация мүшелерін таныстырып, Құрмет қарауылының бастығы рапорт берді. Рәсім барысында Қазақстан мен Словенияның мемлекеттік әнұрандары шырқалды, деп хабарлайды Shalqar.kz сайты  Ақордаға сілтеме жасап.

Салтанатты рәсімнен кейін Қасым-Жомарт Тоқаев пен Наташа Пирц-Мусар келіссөз залына өтті. Кездесуде қос ел арасындағы сауда-экономикалық, инвестициялық, көлік және мәдени-гуманитарлық байланыстарды дамыту мәселелері талқыланады.

Сапар аясында Қазақстан-Словения бизнес-форумы өтеді. Форум барысында екі елдің іскерлік байланыстарын нығайтуға ерекше көңіл бөлінеді.