ЕGov порталында белгілі бір ЖСН-ге тіркелген мобильді нөмірлерді тексеруге арналған жаңа функция пайда болды. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді, деп хабарлайды Shalqar.kz.

Министрдің айтуынша, бұл жаңашылдық интернет-алаяқтармен күресті күшейтуге бағытталған.

"ЕGov-та белгілі бір ЖСН-ге тіркелген SIM-карталар санын тексеру функциясын іске қостық. Қазір eGov-қа кіріп, өзіңіздің ЖСН-іңізді енгізу арқылы қанша мобильді нөмір тіркелгенін оңай тексере аласыз. Егер көрсетілген сандар сіздің шын мәнінде пайдаланатын нөмірлеріңізге сәйкес келмесе, дереу мобильді операторға жүгініп, бұл жағдайды анықтай аласыз", – деді Жаслан Мәдиев.