قازاقستاندا ەكولوگييانى جاقسارتۋ ماقساتىندا اۋقىمدى شارالار قولعا الىندى. بيىل ورمان ورتتەرىنىڭ الدىن الۋ, تابيعي ايماقتاردى كەڭەيتۋ, بيوالۋانتۇرلىلىكتى ساقتاۋ جانە قايتا وڭدەۋ جۇيەسىن جەتىلدىرۋ باعىتىندا بىرقاتار ماڭىزدى جوبالار جۇزەگە اسپاق, دەپ حابارلايدى Shalqar.kz.

ورمانداردى قورعاۋ مەن كوبەيتۋ
 • ورمان ورتتەرىنىڭ الدىن الۋ ۇشىن ارنايى تەحنيكا مەن قۇرال-جابدىقتار ساتىپ الىنادى. بۇل ماقساتقا 5,4 ملرد تەڭگە بولىنبەك.
 • 2023 جىلعى الاپات ورتتەن زارداپ شەككەن «سەمەي ورمانى» جانە تاعى 23 ورمان شارۋاشىلىعى جان-جاقتى زەرتتەلەدى.
 • 6 وڭىردە جاڭا ورمان تالىمباقتارى سالىنىپ, 6 ملن كوشەت وسىرىلەدى. اربىر تالىمباققا 3,5 ملرد تەڭگە قاراستىرىلعان.

قورىقتار مەن ۇلتتىق پاركتەر كەڭەيتىلەدى
 • «مەركە» وڭىرلىك پاركى, «ارال» جانە «جايىق ورمانى» رەزەرۆاتتارى اشىلادى.
 • ۇستىرت, قاراتاۋ, ىلە-بالقاش قورىقتارى كەڭەيتىلىپ, ولارعا كىرۋ اۆتوماتتاندىرىلادى. ەندى كەلۋشىلەر ۇشىن ەلەكتروندى تولەم جۇيەسى ەنگىزىلەدى.

كوگالداندىرۋ جانە ارالدى قايتا جانداندىرۋ
 • پرەزيدەنت تاپسىرماسىنا سايكەس, 2 ملرد اعاش وتىرعىزۋ جوباسى جۇزەگە اسۋدا. بۇگىندە 1,145 ملرد اعاش ەگىلگەن.
 • ارال تەڭىزىنىڭ قۇرعاعان تابانىنا 1,1 ملن گەكتار جەرگە سەكسەۋىل وتىرعىزىلادى. بۇل شولەيتتەنۋدىڭ الدىن الىپ, ەكوجۇيەنى قالپىنا كەلتىرۋگە كومەكتەسەدى.

قوقىس ماسەلەسى مەن قايتا وڭدەۋ
 • تۇرمىستىق قاتتى قالدىقتاردى جيناۋ مەن قايتا وڭدەۋگە 238 ملرد تەڭگە بولىندى. جاڭا قالدىق پوليگوندارى سالىنىپ, قوقىستى بولەك جيناۋ جۇيەسى دامىتىلادى.

جانۋارلار تابيعاتقا قايتا ورالادى
 • قازاقستاندا جولبارىس, قۇلان جانە پرجەۆالьسكيي جىلقىسى قايتا جەرسىندىرىلەدى. بۇل – ەكوجۇيەنى قالپىنا كەلتىرۋ جولىنداعى ۇلكەن قادام.

ەكولوگييا جانە تابيعي رەسۋرستار مينيسترى ەرلان نىسانباەۆتىڭ ايتۋىنشا, بۇل جوبالار ەلدەگى بيوالۋانتۇرلىلىكتى ساقتاۋعا جانە تابيعي بايلىقتاردى بولاشاق ۇرپاققا جەتكىزۋگە مۇمكىندىك بەرەدى.