الماتىدا Mugalim كاسىپكەرلەر قاۋىمداستىعى پەداگوگيكالىق جوعارى وقۋ ورىندارىنىڭ ستۋدەنتتەرىنە ارنالعان زاماناۋي جاتاقحانا سالىپ, ولاردى تەگىن باسپانامەن جانە قوسىمشا بىلىممەن قامتاماسىز ەتۋدە, دەپ حابارلايدى Shalqar.kz.

اتالمىش باستاما ەلدەگى بىلىم بەرۋ ساپاسىن ارتتىرۋ ماقساتىندا قولعا الىنعان. قاۋىمداستىق مۇشەلەرى ورتا مەكتەپتەرگە 5000 بىلىكتى مۇعالىم دايىنداۋدى كوزدەپ وتىر. جاتاقحانا تۇرعىندارى ۇشىن اعىلشىن تىلى كۋرستارى مەن قازاقستاننىڭ ۇزدىك ۇستازدارىمەن بىرلەسكەن ارنايى بىلىم بەرۋ باعدارلامالارى ۇسىنىلادى.

جاڭادان سالىنعان جاتاقحانانى كاسىپكەرلەر وز قاراجاتتارىنا تۇرعىزعان. وقۋ ورنىنا ارنالعان عيمارات الماتىنىڭ قاق ورتاسىندا ورنالاسقان جانە ستۋدەنتتەرگە بارلىق جاعداي جاسالعان.

«بىز بۇل جەردى جاي عانا جاتاقحانا ەمەس, ساپالى بىلىم مەن دامۋعا مۇمكىندىك بەرەتىن ورتالىق رەتىندە جاسادىق. مۇندا بولمەلەر, جۋىناتىن ورىندار, اسحانا, كافە, دەمالىس بولمەلەرى – بارى جوعارى دەڭگەيدە», – دەيدى باستاماشى كاسىپكەرلەردىڭ بىرى جۇمابەك جانىقۇلوۆ.

يگى ىسكە قازاقستاننىڭ ار ايماعىنان 50-دەن استام بيزنەسمەن-دەمەۋشى ۇلەس قوسقان. قازىرگى ۋاقىتتا جاتاقحانادا 370 ستۋدەنت-پەداگوگ تۇرادى, ال ولاردى 300 ۇزدىك ەرىكتى مۇعالىم وقىتادى.

بۇدان بولەك, كاسىپكەرلەردىڭ بىرى Urbo Coffee فرانشيزاسىن تەگىن بەرىپ, جاتاقحانانىڭ كۇندەلىكتى شىعىندارىن جابۋ ماقساتىندا كافە جۇمىس ىستەپ تۇر. وسى ارقىلى ستۋدەنتتەردىڭ بىلىم الۋىنا تۇراقتى قارجىلىق قولداۋ كورسەتىلۋدە.

بۇل باستامانى قولداۋشىلاردىڭ ايتۋىنشا, ەلدىڭ بولاشاعى بىلىكتى مۇعالىمدەرگە, دارىگەرلەرگە جانە كاسىپكەرلەرگە بايلانىستى. سوندىقتان دال وسى ۇش سالانىڭ ستۋدەنتتەرىن قولداۋعا ەرەكشە مان بەرىلىپ وتىر.

Mugalim قاۋىمداستىعى بۇل باستامانى ودان ارى كەڭەيتىپ, بىلىم بەرۋ سالاسىنا ۇزاق مەرزىمدى ينۆەستيتسييا سالۋدى جوسپارلاپ وتىر.