Almatıda Mugalim käsipkerler qauımdastığı pedagogikalıq joğarı oqu orındarınıñ studentterine arnalğan zamanaui jataqhana salıp, olardı tegin baspanamen jäne qosımşa bilimmen qamtamasız etude, dep habarlaydı Shalqar.kz.

Atalmış bastama eldegi bilim beru sapasın arttıru maqsatında qolğa alınğan. Qauımdastıq müşeleri orta mektepterge 5000 bilikti mwğalim dayındaudı közdep otır. Jataqhana twrğındarı üşin ağılşın tili kurstarı men Qazaqstannıñ üzdik wstazdarımen birlesken arnayı bilim beru bağdarlamaları wsınıladı.

Jañadan salınğan jataqhananı käsipkerler öz qarajattarına twrğızğan. Oqu ornına arnalğan ğimarat Almatınıñ qaq ortasında ornalasqan jäne studentterge barlıq jağday jasalğan.

«Biz bwl jerdi jay ğana jataqhana emes, sapalı bilim men damuğa mümkindik beretin ortalıq retinde jasadıq. Mwnda bölmeler, juınatın orındar, ashana, kafe, demalıs bölmeleri – bäri joğarı deñgeyde», – deydi bastamaşı käsipkerlerdiñ biri Jwmabek Janıqwlov.

Igi iske Qazaqstannıñ är aymağınan 50-den astam biznesmen-demeuşi üles qosqan. Qazirgi uaqıtta jataqhanada 370 student-pedagog twradı, al olardı 300 üzdik erikti mwğalim oqıtadı.

Bwdan bölek, käsipkerlerdiñ biri Urbo Coffee franşizasın tegin berip, jataqhananıñ kündelikti şığındarın jabu maqsatında kafe jwmıs istep twr. Osı arqılı studentterdiñ bilim aluına twraqtı qarjılıq qoldau körsetilude.

Bwl bastamanı qoldauşılardıñ aytuınşa, eldiñ bolaşağı bilikti mwğalimderge, därigerlerge jäne käsipkerlerge baylanıstı. Sondıqtan däl osı üş salanıñ studentterin qoldauğa erekşe män berilip otır.

Mugalim qauımdastığı bwl bastamanı odan äri keñeytip, bilim beru salasına wzaq merzimdi investiciya saludı josparlap otır.