Almatıda belgili aqın, audarmaşı, Qazaqstannıñ Halıq jazuşısı Quandıq Şañğıtbaevtıñ tuğanına 100 jıl toluına oray «Jaqwt jırdıñ jauharı» attı eske alu keşi ötti. Şara Wlttıq kitaphananıñ qabırğasında wyımdastırılıp, aqın mwrasın öskeleñ wrpaqqa däripteudi maqsat etti, dep habarlaydı Shalqar.kz tilşisi Sırtqı İster ministrligine silteme jasap.

Keşke qoğam jäne memleket qayratkerleri, ziyalı qauım ökilderi, jazuşılar, studentter, sarbazdar men Türki düniesi Jazuşılar odağınıñ törağası Wlıqbek Esdäulet jäne aqınnıñ qızı Gauhar Şañğıtbaeva qatıstı.

Atalğan şara ayasında Quandıq Şañğıtbaevtıñ şığarmaşılığına arnalğan kitap jäne fotokörme wyımdastırıldı. Ekspoziciyağa Wlttıq kitaphana qorındağı kitaptar men otbası mwrağatınan alınğan sirek suretter qoyıldı.

Keş soñında aqınnıñ «Mahabbat pen ğadauat» attı kitabı kitaphanağa jäne keşke kelgen qonaqtarğa sıyğa tartıldı.

Quandıq Şañğıtbaev – poeziya men parasattı audarma öneriniñ biiginde twrğan biregey qalamger. Onıñ şığarmaları – qazaq ruhaniyatınıñ altın qorına aynalğan qazına.