قازاقستان مەكتەپتەرىندە تاماقتانۋ ساپاسىنا قويىلاتىن تالاپتار قاتاڭداي تۇستى. ەندى اسحانالاردا تەك سانيتارلىق تالاپقا ساي ونىمدەر عانا ۇسىنىلادى. بۇل تۋرالى Shalqar.kz وقۋ-اعارتۋ مينيسترلىگىنىڭ رەسمي جاۋابىنا سۇيەنە وتىرىپ حابارلايدى.

مينيسترلىك مالىمەتىنشە, جەتكىزۋشىلەردەن مىندەتتى تۇردە سانيتارلىق-ەپيدەميولوگييالىق قىزمەتتىڭ (سەس) قورىتىندىسى تالاپ ەتىلەدى. سونىمەن قاتار, تەگىن تاماق الاتىن وقۋشىلاردىڭ ەسەبى تولىقتاي تسيفرلاندىرىلدى.

مەكتەپ اسحانالارىنا قاتىستى بىلتىر قولعا الىنعان جۇيەلى شارالار قاتارىندا:
 • تاماقتانۋ نورمالارىن قايتا قاراۋ,
 • اسحانا قىزمەتكەرلەرىنە قويىلاتىن تالاپتاردى كۇشەيتۋ,
 • براكەراجدىق كوميسسييالار ارقىلى كۇندەلىكتى باقىلاۋ ورناتۋ بار.

براكەراج كوميسسييالارىنىڭ جۇمىسى مىندەتتەلىپ, ولارعا مەكتەپ اكىمشىلىگىمەن بىرگە اتا-انالار, قوعامدىق ۇيىم وكىلدەرى جانە ماسليحات دەپۋتاتتارى قاتىسادى.

ال جالپى مەملەكەتتىك باقىلاۋدى دەنساۋلىق ساقتاۋ مينيسترلىگىنە قاراستى سانيتارييالىق-ەپيدەميولوگييالىق باقىلاۋ كوميتەتىنىڭ اۋماقتىق بولىمشەلەرى جۇرگىزەدى.

ايتا كەتەيىك, قازىر ەلىمىزدەگى بىلىم بەرۋ ۇيىمدارىنا ارنالعان جاڭا تاماقتانۋ ستاندارتى ازىرلەنىپ جاتىر. بۇل – بالالاردىڭ دەنساۋلىعى مەن ساپالى تاعامعا قولجەتىمدىلىگىن قامتاماسىز ەتۋگە باعىتتالعان ماڭىزدى قادام.