2025 жылы мемлекет жоғары оқу орындарына бөлінетін гранттардың басым бөлігін техникалық мамандықтарға бағыттамақ. Ғылым және жоғары білім министрлігінің мәліметінше, инженерлік, өңдеу және құрылыс салалары басты назарда болмақ, деп хабарлайды Shalqar.kz.

Себебі Еңбек және халықты әлеуметтік қорғау министрлігі елдегі кадрларға деген сұранысты есептеп, тапшы мамандықтарды анықтаған. Нәтижесінде техникалық бағыттарға қажеттілік ерекше артып отыр.

Министрлік ұсынған жаңа үлестірімге сәйкес:
 • техникалық мамандықтарға – 60%
 • гуманитарлық салаға – 28%
 • медицинаға – 8%
 • шығармашылыққа – 4% грант бөлінеді.

Сонымен қатар педагогикалық және жаратылыстану ғылымдарына да басымдық берілмек. Бұл – ел экономикасы мен аймақтық даму көрсеткіштерін ескере отырып жасалған шешім.