قازاقستاندا بيولوگييالىق بەلسەندى قوسپالاردىڭ (ببق) قاۋىپسىزدىگى مەن زاڭدىلىعىن قاداعالاۋ ماقساتىندا جاڭا جۇيە ەنگىزىلەدى. 2025 جىلدىڭ 28 ناۋرىزىنان باستاپ دەنساۋلىق ساقتاۋ مينيسترلىگى ببق-نى سايكەستەندىرۋ قۇرالدارىمەن تاڭبالاۋ بويىنشا پيلوتتىق جوبانى ىسكە قوستى, دەپ حابارلايدى Shalqar.kz.

جوبانىڭ باستى ماقساتى – ببق ونىمدەرىنىڭ قايدان, قالاي شىققانىن ناقتىلاۋ, ساپاسىن باقىلاۋ جانە تۇتىنۋشىلارعا شىنايى اقپارات ۇسىنۋ. سونىمەن قاتار, بۇل – كولەڭكەلى نارىقپەن كۇرەس, ياعني زاڭسىز ونىمدەردىڭ ەل اۋماعىنا وتۋىن توقتاتۋ.


ەندى قازاقستاندا وندىرىلگەن نەمەسە شەتەلدەن جەتكىزىلگەن ببق ونىمدەرى ارنايى سايكەستەندىرۋ قۇرالدارىمەن تاڭبالانۋى تيىس. بۇل ارقىلى ار ونىمنىڭ تاريحىن ونلاين جۇيەدە باقىلاۋعا بولادى.

پيلوتتىق جوباعا قاتىساتىندار قاتارىندا – دەنساۋلىق ساقتاۋ جانە ساۋدا مينيسترلىكتەرى, سانيتارييالىق باقىلاۋ كوميتەتى, وتاندىق جانە شەتەلدىك وندىرۋشىلەر, ديستريبьيۋتورلار, كوتەرمە جانە بولشەك ساۋدا وكىلدەرى بار. قاتىسۋ – ەرىكتى.

تاڭبالاۋ قالاي جۇرگىزىلەدى?
 • ەل ىشىندە وندىرىلگەن ونىم – قويماعا كەتەر الدىندا زاۋىتتا تاڭبالانادى.
 • شەتەلدەن كەلگەن ونىم – كەدەن اۋماعىنا كىرمەي تۇرىپ, تاڭبالانۋى قاجەت.
 • ەاەو ەلدەرىنەن كەلگەن ونىم – شەكارادان تىس جەردە, جونەلتۋ الدىندا تاڭبالانادى.

بۇل وزگەرىستەر تۇتىنۋشىنىڭ قۇقىعىن قورعاپ, ساپاسىز ارى كۇماندى ونىمدەردى نارىقتان شەتتەتۋگە باعىتتالعان.