Qazaqstanda biologiyalıq belsendi qospalardıñ (BBQ) qauipsizdigi men zañdılığın qadağalau maqsatında jaña jüye engiziledi. 2025 jıldıñ 28 naurızınan bastap Densaulıq saqtau ministrligi BBQ-nı säykestendiru qwraldarımen tañbalau boyınşa pilottıq jobanı iske qostı, dep habarlaydı Shalqar.kz.

Jobanıñ bastı maqsatı – BBQ önimderiniñ qaydan, qalay şıqqanın naqtılau, sapasın baqılau jäne twtınuşılarğa şınayı aqparat wsınu. Sonımen qatar, bwl – köleñkeli narıqpen küres, yağni zañsız önimderdiñ el aumağına ötuin toqtatu.


Endi Qazaqstanda öndirilgen nemese şetelden jetkizilgen BBQ önimderi arnayı säykestendiru qwraldarımen tañbalanuı tiis. Bwl arqılı är önimniñ tarihın onlayn jüyede baqılauğa boladı.

Pilottıq jobağa qatısatındar qatarında – Densaulıq saqtau jäne Sauda ministrlikteri, sanitariyalıq baqılau komiteti, otandıq jäne şeteldik öndiruşiler, distrib'yutorlar, köterme jäne bölşek sauda ökilderi bar. Qatısu – erikti.

Tañbalau qalay jürgiziledi?
 • El işinde öndirilgen önim – qoymağa keter aldında zauıtta tañbalanadı.
 • Şetelden kelgen önim – keden aumağına kirmey twrıp, tañbalanuı qajet.
 • EAEO elderinen kelgen önim – şekaradan tıs jerde, jöneltu aldında tañbalanadı.

Bwl özgerister twtınuşınıñ qwqığın qorğap, sapasız äri kümändi önimderdi narıqtan şettetuge bağıttalğan.