2025 جىلى مەملەكەت جوعارى وقۋ ورىندارىنا بولىنەتىن گرانتتاردىڭ باسىم بولىگىن تەحنيكالىق ماماندىقتارعا باعىتتاماق. عىلىم جانە جوعارى بىلىم مينيسترلىگىنىڭ مالىمەتىنشە, ينجەنەرلىك, وڭدەۋ جانە قۇرىلىس سالالارى باستى نازاردا بولماق, دەپ حابارلايدى Shalqar.kz.

سەبەبى ەڭبەك جانە حالىقتى الەۋمەتتىك قورعاۋ مينيسترلىگى ەلدەگى كادرلارعا دەگەن سۇرانىستى ەسەپتەپ, تاپشى ماماندىقتاردى انىقتاعان. ناتيجەسىندە تەحنيكالىق باعىتتارعا قاجەتتىلىك ەرەكشە ارتىپ وتىر.

مينيسترلىك ۇسىنعان جاڭا ۇلەستىرىمگە سايكەس:
 • تەحنيكالىق ماماندىقتارعا – 60%
 • گۋمانيتارلىق سالاعا – 28%
 • مەديتسيناعا – 8%
 • شىعارماشىلىققا – 4% گرانت بولىنەدى.

سونىمەن قاتار پەداگوگيكالىق جانە جاراتىلىستانۋ عىلىمدارىنا دا باسىمدىق بەرىلمەك. بۇل – ەل ەكونوميكاسى مەن ايماقتىق دامۋ كورسەتكىشتەرىن ەسكەرە وتىرىپ جاسالعان شەشىم.