امەريكالىق پوپ-مۋزىكا جۇلدىزى دجەننيفەر لوپەس بيىل العاش رەت قازاقستاندا كونتسەرت وتكىزەدى. الەمدىك Up All Night تۋرنەسى اياسىنداعى بۇل اۋقىمدى شارا 1 تامىز كۇنى «استانا ارەنا» سپورت كەشەنىندە وتەدى. بۇل تۋرالى تۋردىڭ رەسمي پاراقشاسىندا جارييالاندى, دەپ حابارلايدى Shalqar.kz.

ماسەلە ۇكىمەت وتىرىسىندا دا كوتەرىلدى. «استانا كونتسەرت» كومپانيياسىنىڭ پروديۋسەرى مالىك حاسەنوۆ كونتسەرتتى ۇيىمداستىرۋ جۇمىستارى جايىندا بايانداپ, شوۋ ەل بيۋدجەتىنە شامامەن 400 ميلليون تەڭگە كىرىس اكەلۋى مۇمكىن ەكەنىن ايتتى.

پرەمьەر-مينيستر ولجاس بەكتەنوۆ بۇل باستاماعا وڭ باعاسىن بەرىپ, الەمدىك جۇلدىزداردى قازاقستانعا تارتۋ ەلدىڭ مادەني يميدجىن ارتتىرا تۇسەتىنىن جەتكىزدى.

– قازاقستان وسىنداي اۋقىمدى مادەني ىس-شارالاردى وتكىزۋ ۇشىن تۇراقتى الاڭعا اينالۋى قاجەت. بىز ۇكىمەت تاراپىنان بارلىق قاجەتتى قولداۋدى كورسەتۋگە دايىنبىز, – دەدى پرەمьەر-مينيستر.