استانادا قازاقستان پرەزيدەنتى قاسىم-جومارت توقاەۆ يزرايلь كنەسسەتىنىڭ توراعاسى امير وحانانى قابىلدادى. كەزدەسۋدە تاراپتار ەكى ەل اراسىنداعى ىنتىماقتاستىقتىڭ وزەكتى باعىتتارىن تالقىلادى, دەپ حابارلايدى Shalqar.kz.

مەملەكەت باسشىسى يزرايلь پارلامەنتى سپيكەرىنىڭ ساپارىن قازاق-يزرايلь قاتىناستارىن نىعايتۋعا دەگەن ورتاق ۇمتىلىستىڭ بەلگىسى رەتىندە باعالاپ, بۇل ساپاردىڭ ەكىجاقتى سەرىكتەستىكتى دامىتۋداعى ماڭىزىن اتاپ وتتى.

كەلىسسوز بارىسىندا ساۋدا-ەكونوميكالىق بايلانىستارعا جانە سۋ رەسۋرستارىن تيىمدى باسقارۋ سالاسىنداعى ىنتىماقتاستىققا ەرەكشە نازار اۋدارىلدى. پرەزيدەنت توقاەۆ يزرايلьدىڭ وزىق تەحنولوگييالارىن جوعارى باعالاپ, قازاقستان وسى باعىتتا بىرلەسىپ جۇمىس ىستەۋگە دايىن ەكەنىن جەتكىزدى.

امير وحانا كورسەتىلگەن قۇرمەت پەن قوناقجايلىق ۇشىن العىس بىلدىرىپ, ەكى ەل اراسىنداعى كوپجوسپارلى قارىم-قاتىناستىڭ تابىستى دامىپ كەلە جاتقانىن ايتتى.