قازاقستاندا سوت رەفورماسى جاڭا كەزەڭگە قادام باستى. 1 شىلدەدەن باستاپ ەلىمىزدە كاسساتسييالىق سوتتار ۇشىن ارنايى ۆەدومستۆو – كاسساتسييالىق سوتتار دەپارتامەنتى جۇمىسىن باستايدى. بۇل تۋرالى پرەزيدەنت قاسىم-جومارت توقاەۆتىڭ جارلىعى شىقتى, دەپ حابارلايدى Shalqar.kz.

جاڭا ورگاننىڭ باستى ماقساتى – ۇشىنشى ساتىداعى سوت ىستەرىن كاسىبي ارى ادىل قاراۋ پروتسەسىن جۇيەلەۋ. بۇعان دەيىن كاسساتسييالىق ىستەر جوعارعى سوتتىڭ قۇزىرىندا بولسا, ەندى بۇل مىندەت جاڭا قۇرىلىمعا جۇكتەلمەك. ساراپشىلاردىڭ ايتۋىنشا, بۇل وزگەرىس ادىل سوت تورەلىگىنە قول جەتكىزۋدى جەڭىلدەتىپ, سوت شەشىمدەرىنىڭ بىرىزدى بولۋىن قامتاماسىز ەتەدى.

سوت جۇيەسىنىڭ ساپاسىن باقىلاپ وتىراتىن كوميسسييانىڭ قۇرامى دا وزگەردى. ەندى وعان كاسساتسييالىق سوتتاردىڭ ەكى وكىلى قوسىلدى. بۇرىن كوميسسييادا جەتى ادام – وبلىستىق جانە جوعارعى سوت سۋدьيالارى بولعان.

پرەزيدەنت بۇل وزگەرىستى سۋدьيالاردىڭ IX سъەزىندە جارييا ەتكەن. ول سوت جۇيەسىندەگى ۇشىنشى ينستانتسييا – كاسساتسييالىق ساتىنىڭ ماڭىزدىلىعىن اتاپ وتىپ, ىستەردىڭ ادىل ارى ساپالى قارالۋى – ازاماتتاردىڭ سوتقا دەگەن سەنىمىن ارتتىراتىنىن جەتكىزدى.

ايتا كەتەيىك, بۇعان دەيىن ەلىمىزدە ۇش كاسساتسييالىق سوت قۇرىلاتىنى حابارلانعان بولاتىن.