Qazaqstanda sot reforması jaña kezeñge qadam bastı. 1 şildeden bastap elimizde kassaciyalıq sottar üşin arnayı vedomstvo – Kassaciyalıq sottar departamenti jwmısın bastaydı. Bwl turalı Prezident Qasım-Jomart Toqaevtıñ jarlığı şıqtı, dep habarlaydı Shalqar.kz.

Jaña organnıñ bastı maqsatı – üşinşi satıdağı sot isterin käsibi äri ädil qarau procesin jüyeleu. Bwğan deyin kassaciyalıq ister Joğarğı Sottıñ qwzırında bolsa, endi bwl mindet jaña qwrılımğa jüktelmek. Sarapşılardıñ aytuınşa, bwl özgeris ädil sot töreligine qol jetkizudi jeñildetip, sot şeşimderiniñ birizdi boluın qamtamasız etedi.

Sot jüyesiniñ sapasın baqılap otıratın komissiyanıñ qwramı da özgerdi. Endi oğan kassaciyalıq sottardıñ eki ökili qosıldı. Bwrın komissiyada jeti adam – oblıstıq jäne Joğarğı Sot sud'yaları bolğan.

Prezident bwl özgeristi sud'yalardıñ IX s'ezinde jariya etken. Ol sot jüyesindegi üşinşi instanciya – kassaciyalıq satınıñ mañızdılığın atap ötip, isterdiñ ädil äri sapalı qaraluı – azamattardıñ sotqa degen senimin arttıratının jetkizdi.

Ayta keteyik, bwğan deyin elimizde üş kassaciyalıq sot qwrılatını habarlanğan bolatın.