Aldağı uaqıtta oquşılar men kolledj studentteri bolaşaq mamandığın erterek anıqtap, eñbek narığına beyimdeludi cifrlıq formatta üyrene aladı. QR Eñbek jäne halıqtı äleumettik qorğau ministrliginiñ mälimetinşe, jastarğa bağıttalğan birqatar jaña onlayn platformalar iske qosılıp jatır. Bwl bastamalardıñ bastı maqsatı – jas buındı jwmısqa ornalasuğa jüyeli türde dayındau, dep habarlaydı Shalqar.kz.

«Mansap kompası» platforması jıl sayın 100 mıñğa juıq oquşını qamtudı közdeydi. Jaña funkciyalardıñ arqasında 7–11-sınıp oquşıları käsibi diagnostikadan ötip, bolaşaq mamandığın däl anıqtay aladı. Platformada:
 • özekti mamandıqtar men bos jwmıs orındarı turalı mälimetter bar;
 • käsibi diagnostikadan ötip, mansaptıq keñes aluğa boladı;
 • jwmıs beruşilermen baylanıs ornatu mümkindigi qarastırılğan.

Bwl jüye tülekterdiñ jwmısqa ornalasu mümkindigin arttıruğa bağıttalğan.

500 mıñ oquşı men kolledj studentteri üşin iske qosılğan «Elektrondıq eñbek birjası» birıñğay cifrlıq platforması arqılı jastar jwmıs izdeudi, onlayn swhbattasu men eñbek şartın jasaudı üyrenedi.

Ministrlik ökilderi:
– Mansap ortalıqtarı arqılı platformanı qoldana otırıp, jastarğa jwmısqa ornalasu dağdıların üyretu josparlanuda. Bwl jastardıñ eñbekke erte aralasuına, öz qabiletin dwrıs bağıtta damıtuına mümkindik beredi, – deydi.

Üş kezeñnen twratın jüyeli oqıtu

Jastardı eñbek narığına dayındau üşin kelesi üş qadamdıq jospar qolğa alınğan:
 1. Elektrondıq eñbek birjasın paydalanuğa arnalğan beynesabaqtar, prezentaciyalar men därister dayındau;
 2. Osı materialdardı Skills.enbek.kz platformasına jükteu;
 3. Oquşılar men studentterdi jwmıs izdeu men jwmısqa ornalasu dağdılarına üyretu.

Skills.enbek.kz – alğaşqı eñbek mektebi

Bwl platformada jastar:
 • jwmıs izdeudi;
 • käsibi rezyume toltırudı;
 • onlayn swhbattasudan ötudi;
 • eñbek şartın jasaudı üyrenedi.

Jaña bastamalar – oquşılar men studentterge eñbek narığına senimdi qadam jasauğa mümkindik beredi. Endi mamandıq tañdau kezdeysoq şeşim emes, sanalı tañdau bolmaq.