Енді республикалық маңызы бар автожолдарда жүргізушілердің орташа жылдамдығы автоматты түрде есептеледі. «ҚазАвтоЖол» компаниясының мәліметінше, 7 ірі бағытта арнайы бақылау жүйесі іске қосылды, деп хабарлайды Shalqar.kz.

Бұл жүйе көлік екі нүктеден өткен уақытты өлшеп, жүргізушінің аралықтағы орташа жылдамдығын есептейді. Егер жылдамдық шектеуден асып кетсе – айыппұл міндетті түрде келеді.

Орташа жылдамдық бақыланатын жолдар:
 1. Астана – Щучинск (140 км/сағ дейін);
 2. Астана – Павлодар (140 км/сағ дейін);
 3. Шымкент – Қызылорда (110 км/сағ дейін);
 4. Шымкент – Тараз (110 км/сағ дейін);
 5. Павлодар – Семей – Қалбатау (100-110 км/сағ);
 6. Орал – РФ шекарасы (Саратов бағыты) (100 км/сағ);
 7. Павлодар – РФ шекарасы (Омбы бағыты) (100-110 км/сағ).

Мамандар бұл шара жол апаттарын азайтып, жүргізушілерді тәртіпке шақыруға көмектеседі дейді. Бірақ кей жүргізушілер айыппұлдан қашудың түрлі айласын ойлап тауып жатқан көрінеді.