الماتىدا باسپانا باعاسى قايتا شارىقتاپ بارادى. قايتالاما تۇرعىن ۇي نارىعىنداعى پاتەرلەردىڭ قۇنى قاتارىنان ۇشىنشى اي قاتارىنان وسىپ, ناۋرىز ايىندا بىردەن 3,7%-عا قىمباتتاعان. بۇل – 2022 جىلدىڭ قازان ايىنان بەرگى ەڭ جوعارى ايلىق وسىم, دەپ حابارلايدى Shalqar.kz Data Hub Telegram ارناسىنا سىلتەمە جاساپ.

2024 جىلدىڭ باسىندا باعا تومەندەۋگە بەيىم بولعانىمەن, سوڭعى ايلاردا قايتادان كوتەرىلۋ ۇردىسى بايقالادى. ۇلتتىق ستاتيستيكا بيۋروسىنىڭ دەرەكتەرىنە سۇيەنسەك, الماتىداعى قايتالاما نارىقتاعى پاتەرلەردىڭ باعاسى بىلتىرعى ناۋرىزبەن سالىستىرعاندا 7,2%-عا ارتقان.

جاڭا تۇرعىن ۇيلەر دە شەت قالمادى – ناۋرىزدا باستاپقى نارىقتاعى پاتەرلەردىڭ باعاسى 1,9%-عا وستى. بۇل – 2023 جىلدىڭ قىركۇيەگىنەن بەرگى ەڭ جوعارى وسىم.

ال جالدامالى تۇرعىن ۇي نارىعىندا كەرىسىنشە جاعداي بايقالادى. اقپان ايىمەن سالىستىرعاندا, ناۋرىزدا جالدامالى پاتەر باعاسى الماتىدا 0,9%-عا, ال استانادا 2,6%-عا تومەندەگەن. دەگەنمەن, ەلوردادا سوڭعى بىر جىلدا جالداۋ اقىسى 25,4%-عا وسكەن.

ساراپشىلاردىڭ پىكىرىنشە, بۇل ديناميكا تۇرعىن ۇي نارىعىنداعى تۇراقسىزدىقتىڭ ايقىن كورىنىسى. حالىق ۇشىن باسپانا قولجەتىمدى بولۋدان قالىپ بارا جاتقانداي.