Almatıda baspana bağası qayta şarıqtap baradı. Qaytalama twrğın üy narığındağı päterlerdiñ qwnı qatarınan üşinşi ay qatarınan ösip, naurız ayında birden 3,7%-ğa qımbattağan. Bwl – 2022 jıldıñ qazan ayınan bergi eñ joğarı aylıq ösim, dep habarlaydı Shalqar.kz Data Hub Telegram arnasına silteme jasap.

2024 jıldıñ basında bağa tömendeuge beyim bolğanımen, soñğı aylarda qaytadan köterilu ürdisi bayqaladı. Wlttıq statistika byurosınıñ derekterine süyensek, Almatıdağı qaytalama narıqtağı päterlerdiñ bağası bıltırğı naurızben salıstırğanda 7,2%-ğa artqan.

Jaña twrğın üyler de şet qalmadı – naurızda bastapqı narıqtağı päterlerdiñ bağası 1,9%-ğa östi. Bwl – 2023 jıldıñ qırküyeginen bergi eñ joğarı ösim.

Al jaldamalı twrğın üy narığında kerisinşe jağday bayqaladı. Aqpan ayımen salıstırğanda, naurızda jaldamalı päter bağası Almatıda 0,9%-ğa, al Astanada 2,6%-ğa tömendegen. Degenmen, elordada soñğı bir jılda jaldau aqısı 25,4%-ğa ösken.

Sarapşılardıñ pikirinşe, bwl dinamika twrğın üy narığındağı twraqsızdıqtıñ ayqın körinisi. Halıq üşin baspana qoljetimdi boludan qalıp bara jatqanday.