قازاقستان مەملەكەتتىك قىزمەتتەردىڭ تسيفرلانۋى بويىنشا الەمنىڭ توپ-10 ەلىنە كىرىپ, اقش, قىتاي جانە گەرمانييا سيياقتى الپاۋىت مەملەكەتتەردى باسىپ وزدى. بۇل — ەلىمىزدىڭ تسيفرلىق دامۋىنداعى ەلەۋلى جەتىستىك, دەپ حابارلايدى Shalqar.kz.

93% ونلاين — بۇل جاي عانا ستاتيستيكا ەمەس

Ranking.kz سايتى تاراتقان دەرەككە سۇيەنسەك, قازىرگى تاڭدا قازاقستاندا مەملەكەتتىك قىزمەتتەردىڭ 93%-ى ەلەكتروندى فورماتتا قولجەتىمدى. ونىڭ ىشىندە 90,8%-ىن eGov Mobile قوسىمشاسى ارقىلى الۋعا بولادى. ياعني حالىقتىڭ باسىم بولىگى قۇجات جيناۋ ۇشىن كەزەكتە تۇرماي, بىرنەشە مينۋتتا قىزمەتتى سمارتفون ارقىلى الا الادى.

قازاقستان كىمدەردى ارتتا قالدىردى?

بۇۇ-نىڭ 2024 جىلعى ەسەبىنە سايكەس, قازاقستان الەمنىڭ 193 مەملەكەتى اراسىندا ۇزدىك وندىققا ەنىپ, وڭتۇستىك كورەيا, دانييا, سينگاپۋر, جاپونييا جانە ەستونييا سىندى تسيفرلانۋدا الدا كەلە جاتقان ەلدەردىڭ قاتارىنا قوسىلدى.

ال بىزدەن كەيىنگى ورىندارعا جايعاسقاندار تىزىمى تاڭقالارلىق:
 • قىتاي – 11-ورىن
 • گەرمانييا – 12-ورىن
 • اۋسترالييا – 14-ورىن
 • باا – 16-ورىن
 • اقش – 17-ورىن

تمد ەلدەرى قايدا?

تمد ەلدەرىنىڭ كوپشىلىگى الى دە ارتتا قالۋدا:
ارمەنييا – 53-ورىن,
رەسەي – 56,
وزبەكستان – 59,
قىرعىزستان – 89,
تاجىكستان – 130,
تۇرىكمەنستان – 172-ورىن.

تسيفرلىق قىزمەتتەرگە سۇرانىس قانداي?

ساراپشىلاردىڭ ايتۋىنشا, ەڭ كوپ سۇرانىسقا يە قىزمەتتەر:
 • زەينەتاقى جيناقتارىن تەكسەرۋ
 • بجزق قىزمەتتەرى
 • احاج انىقتامالارى
 • ونلاين نەكە تىركەۋ جانە تۋۋ تۋرالى كۋالىك الۋ