Qazaqstan memlekettik qızmetterdiñ cifrlanuı boyınşa älemniñ TOP-10 eline kirip, AQŞ, Qıtay jäne Germaniya siyaqtı alpauıt memleketterdi basıp ozdı. Bwl — elimizdiñ cifrlıq damuındağı eleuli jetistik, dep habarlaydı Shalqar.kz.

93% onlayn — bwl jay ğana statistika emes

Ranking.kz saytı taratqan derekke süyensek, qazirgi tañda Qazaqstanda memlekettik qızmetterdiñ 93%-ı elektrondı formatta qoljetimdi. Onıñ işinde 90,8%-ın eGov Mobile qosımşası arqılı aluğa boladı. YAğni halıqtıñ basım böligi qwjat jinau üşin kezekte twrmay, birneşe minutta qızmetti smartfon arqılı ala aladı.

Qazaqstan kimderdi artta qaldırdı?

BWW-nıñ 2024 jılğı esebine säykes, Qazaqstan älemniñ 193 memleketi arasında üzdik ondıqqa enip, Oñtüstik Koreya, Daniya, Singapur, Japoniya jäne Estoniya sındı cifrlanuda alda kele jatqan elderdiñ qatarına qosıldı.

Al bizden keyingi orındarğa jayğasqandar tizimi tañqalarlıq:
 • Qıtay – 11-orın
 • Germaniya – 12-orın
 • Australiya – 14-orın
 • BAÄ – 16-orın
 • AQŞ – 17-orın

TMD elderi qayda?

TMD elderiniñ köpşiligi äli de artta qaluda:
Armeniya – 53-orın,
Resey – 56,
Özbekstan – 59,
Qırğızstan – 89,
Täjikstan – 130,
Türikmenstan – 172-orın.

Cifrlıq qızmetterge swranıs qanday?

Sarapşılardıñ aytuınşa, eñ köp swranısqa ie qızmetter:
 • Zeynetaqı jinaqtarın tekseru
 • BJZQ qızmetteri
 • AHAJ anıqtamaları
 • Onlayn neke tirkeu jäne tuu turalı kuälik alu