12 säuir – Ğarışkerler küni. Bwl kün – adamzattıñ ğarışqa alğaşqı saparın ğana emes, Qazaqstannıñ da ğarıştıq bolaşağı turalı oylanıp, ülken qadamdarğa bet bwratın sät. Biıl elimiz tarihında alğaş ret öz zımıran tasığışın wşıruğa dayındalıp jatır, dep habarlaydı Shalqar.kz.

Wlttıq ğarış ortalığı 2024 jılı zımıran qwrastıru isin bastap ketken. Bwl – Qazaqstannıñ “ğarışqa täuelsiz qol jetkizu” strategiyasınıñ bir böligi. Aeroğarış komitetiniñ törağası Baubek Oralmağambetovtiñ aytuınşa, büginde mıqtı otandıq himikter men fizikter osı tehnologiyanı igeruge jwmıldırılğan. Jıl soñına deyin şağın meteorittik zımıran wşırılmaq.

Bolaşaqta – törtinşi qazaq ğarışta

Sala sarapşıları aldağı 5-10 jılda Qazaqstannan törtinşi ğarışker wşadı dep boljauda. Bwl – jay boljam emes, naqtı josparğa aynalıp kele jatqan mümkindik.

Bayqoñırda bwl künderi tağı bir tarihi sät – ğarışqa 73-ekspediciya attandı. Ekipaj müşeleri orbitada 50-ge juıq ğılımi täjiribe jasap, jeltoqsan ayında jerge oralmaq.

Ayta keteyik, Bayqoñır ğarış aylağınıñ resmi aşılğanına biıl – 70 jıl. Osı orayda ğarış aylağına 20 mıñğa juıq turist keledi dep kütilude.

Bayqoñırdıñ ardageri Nwrtileu Salıqov bwl jerdi qazaq ejelden “jer kindik” dep atağanın eske saladı. Al büginde sol “jer kindik” – älemge ğarış däuirin aşqan alañğa aynaldı.