Ğarıştı bağındıru — tek NASA ğalımdarınıñ emes, qazaqstandıq mektep oquşılarınıñ da qolınan keledi! Almatıdağı Nazarbaev Ziyatkerlik mektebiniñ eki komandası AQŞ Wlttıq ğarış qoğamı men NASA wyımdastırğan halıqaralıq Space Settlement Contest bayqauında jeñiske jetip, el mereyin asqaqtattı, dep habarlaydı Shalqar.kz.

Bwl bayqau jıl sayın bükil älem oquşılarınıñ arasında ötkiziledi. Negizgi maqsatı — injenerlik oylau men ğılımi qiyaldı damıtu. Biılğı dodağa 25 elden 26 mıñnan astam qatısuşı tirkelgen.

9-sınıp oquşıları Anastasiya Coy, YUliya Kim, Kamila Ertisqızı jäne İliyas Däulet wsınğan YURT jobası birinşi orındı jeñip aldı. Jas ğalımdar YUpiter orbitasındağı, onıñ Ganimed pen Kallisto serikterine jaqın ornalasatın avtonomdı ğarış stanciyasın jobalap, 30 mıñ adamğa arnalğan bolaşaq mekendi oylap taptı. Stanciya jasandı gravitaciyamen, ömir süruge qajet tolıq jüyemen jabdıqtalğan.

Al 8-sınıp oquşılarınıñ ekinşi komandası — “Ikarus” jobasımen kümis jüldege ie boldı. Olar Ganimedtiñ tömengi orbitasına ornalasqan, 45 mıñ adamdı qabılday alatın zamanaui stanciya jobasın qorğap şıqqan. Jobanı jüzege asırğan komanda qwramında: Tabıldı Asan, Temirbulatov Arman, İnkärbek Sabırjan, Qwzbakova Tomiris, Japarov Mwhidin, Älişer Bağdäulet, Berik Uäli, Nwrswltan Ayswlu, Tairov Arlan, Baqıt Aslan. Komandanıñ jetekşisi – 12-sınıp oquşısı Ädilet Sandıqbaev.