موڭعولييادا قىزىلشا ىندەتى ۋشىعىپ بارادى — اۋرۋ جۇقتىرعانداردىڭ سانى 500-دەن استى. ەلدىڭ ۇلتتىق جۇقپالى اۋرۋلاردى زەرتتەۋ ورتالىعىنىڭ دەرەگىنشە, سوڭعى تاۋلىكتە تاعى 11 ادامنان ۆيرۋس انىقتالعان, دەپ حابارلايدى Shalqar.kz سينьحۋا اگەنتتىگىنە سىلتەمە جاساپ.

انىقتالعان جاعدايلاردىڭ باسىم بولىگى مەكتەپ جاسىنداعى بالالار اراسىندا تىركەلگەن. ماماندار ولاردىڭ كوپشىلىگى قىزىلشاعا قارسى نەبارى بىر رەت ۆاكتسينا العانىن ايتىپ وتىر. وسىعان بايلانىستى دارىگەرلەر اتا-انالارعا بالالارىن ەكى كومپونەنتتى ەكپەمەن ۋاقىتىلى ەگۋدى ۇسىنادى.

مەديتسينا قىزمەتكەرلەرى قىزىلشانىڭ جۇقپالىلىعى وتە جوعارى ەكەنىن جانە تيىستى ەم جاسالماسا, اۋىر سالدارعا اكەلۋى مۇمكىن ەكەنىن ەسكەرتەدى. اۋرۋ بەلگىلەرى – دەنە قىزۋىنىڭ كوتەرىلۋى, جوتەل, مۇرىننان سۋ اعۋ, تاماقتىڭ اۋىرۋى مەن كوزدىڭ قابىنۋى.

دارىگەرلەردىڭ ايتۋىنشا, بۇل دەرتتەن قورعانۋدىڭ ەڭ تيىمدى جولى – ۆاكتسيناتسييا.