Qazaqstannıñ üş iri qalası — Astana, Almatı jäne Qarağandı — Wlı Otan soğısı jıldarındağı eñbek erligi üşin erekşe märtebege ie bolmaq. Olarğa «Eñbek dañqı qalası. 1941–1945 jıldar» qwrmetti atağı beriledi, dep habarlaydı Shalqar.kz.

Bwl şeşim 11 säuir küni Almatıda ötken TMD Sırtqı ister ministrleri keñesiniñ otırısında qabıldandı. Jaña ataq Jeñistiñ 80 jıldığına oray berilip otır.

Soğıs jıldarı bwl üş qala äskeri jäne azamattıq önim öndirisiniñ mañızdı ortalıqtarına aynalğan. Halıq kün-tün demey jwmıs istep, maydanğa qajettik ataulını jiberip otırğan. Bwl — tıldağı erliktiñ simvolı.

Jaña ataqpen qatar, är qalada arnayı stela ornatıladı. Onda qalanıñ eltañbası jäne «Eñbek dañqı qalası» märtebesi turalı mälimet beynelenedi.

Bwl märtebeni tek Qazaqstan qalaları ğana almaydı.
Wsınıstı Qazaqstan tarapı köterip, TMD-nıñ Gumanitarlıq ıntımaqtastıq keñesine wsınğan. Bastama birauızdan qoldau taptı. Aldağı uaqıtta mwnday ataqtı TMD qwramındağı özge de qalalar aluı mümkin.