Qazaq halqı üşin 15 säuir – mahabbattıñ şınayı bolmısın beyneleytin erekşe kün. Bwl – Qozı Körpeş pen Bayan swluğa arnalğan kün. Ekeuiniñ hikayası – tek ğaşıqtıqtıñ simvolı ğana emes, wlttıñ ruhani kodı, ädebi jauharı, dep habarlaydı Shalqar.kz.

Köpşilik bwl kündi «qazaqtıñ Valentin küni» dep ataytını beker emes. Biraq Qozı men Bayannıñ sezimi – jay romantika emes, ol – adaldıq, senim, twraqtılıq pen ruhani beriktik.

Nelikten bwl kün mañızdı?
Jahandanu zamanı jastardı batıstıq merekelerge eliktetip jatqanda, özimizdiñ töl qwndılıqtarğa bet bwru – ruhani immunitetti saqtaudıñ bir jolı. 15 säuir – jastardıñ öz mädenietine, ädebietine degen qwrmetin arttıratın, wlttıq bolmısın tereñ tüsinuge jeteleytin kün.

Bwl kün kimderge arnalğan?
Qozı men Bayan küni tek ğaşıqtarğa emes. Bwl – ata-anağa, bauırğa, dostarğa degen süyispenşilikti de bildiretin kün. Elge, jerge, tarihqa, tilge degen mahabbattı da osı künmen baylanıstıruğa boladı.