مەملەكەت باسشىسى قاسىم-جومارت توقاەۆ ەۋرازييالىق دامۋ بانكىنىڭ باسقارما توراعاسى نيكولاي پودگۋزوۆتى اقوردادا قابىلدادى. كەزدەسۋ بارىسىندا بانكتىڭ 2024 جىلعى جۇمىس قورىتىندىلارى مەن الداعى جوسپارلارى سوز بولدى, دەپ حابارلايدى Shalqar.kz.

ناتيجەلەر:
 • 2024 جىلى بانك قازاقستان ەكونوميكاسىنا 1,4 ملرد دوللار ينۆەستيتسييا سالعان;
 • ينۆەستيتسييالىق پورتفەلьدەگى قازاقستاندىق جوبالاردىڭ ۇلەسى – 60%;
 • 2022–2026 جىلدارعا ارنالعان ستراتەگييا اياسىنداعى 3,8 ملرد دوللارلىق جوسپار مەرزىمىنەن بۇرىن ورىندالعان.

2025 جىلعا جوسپار:
بانك جالپى سوماسى 4,5 ملرد دوللاردان اساتىن جاڭا جوبالاردى ۇسىندى.
بۇعان قوسا, ەلىمىزدەگى مىنا سالالارعا 1 ملرد دوللاردان استام ينۆەستيتسييا تارتۋ كوزدەلىپ وتىر:
 • ەنەرگەتيكالىق نىسانداردى جاڭعىرتۋ;
 • جاڭارتىلاتىن ەنەرگييا كوزدەرى;
 • كولىك جانە لوگيستيكا;
 • رەسپۋبليكالىق جولداردى جوندەۋ;
 • ينفراقۇرىلىم نىساندارى;
 • ونەركاسىپ پەن تسيفرلىق تەحنولوگييالار.

نيكولاي پودگۋزوۆ بانك قازاقستاننىڭ قارجى نارىعىن دامىتۋعا, ينۆەستيتسييا تارتۋعا جانە حالىقارالىق سەرىكتەستىك ورناتۋعا بەلسەندى قاتىساتىنىن ايتتى.

پرەزيدەنت قاسىم-جومارت توقاەۆ ەادب-نىڭ ەل ەكونوميكاسىنا قوسقان ۇلەسىن جوعارى باعالاپ, الداعى ۋاقىتتا ىنتىماقتاستىقتى ودان ارى نىعايتۋعا نيەتتى ەكەنىن بىلدىردى.

ەۋرازييالىق دامۋ بانكى – ەۋرازييا اۋماعىندا ينۆەستيتسييالىق جوبالاردى جۇزەگە اسىراتىن كوپجاقتى دامۋ بانكى. شتاب-پاتەرى – الماتىدا.

2025 جىلعا قاراي بانك پورتفەلىنە جالپى قۇنى 16,5 ملرد دوللار بولاتىن 305 جوبا ەنگەن. نەگىزگى باعىتتارى: كولىك ينفراقۇرىلىمى, تسيفرلاندىرۋ, جاسىل ەنەرگەتيكا, اۋىل شارۋاشىلىعى مەن ونەركاسىپ.