Qazaqstanda alğaş ret jasandı intellekt (JI) tehnologiyası arqılı qazaq tilinde animaciyalıq fil'm jasaldı. «Türkistan saqşıları» dep atalatın bwl erekşe joba — Türkistan qalasınıñ twrğını Ğasır Qwralbaywlınıñ avtorlıq jwmısı, dep habarlaydı Shalqar.kz.

Ğasır — «Turkistan» telearnasınıñ qızmetkeri äri jasandı intellektpen jwmıs isteudi meñgergen maman. Ol mul'tfil'mniñ alğaşqı bölimin bar bolğanı 7 kün işinde äzirlep şıqqan. Tağı bir tañğalarlıq jayt — bir seriyanı jasauğa nebäri 70 mıñ teñge ketken.

— JI bağdarlamasınıñ aqılı nwsqasına jazılu üşin 100 AQŞ dolları jwmsadım, al saundtrek jazdıruğa 20 mıñ teñge ketti, — deydi avtor.

Mul'tfil'm Türkistandı türli qauipten qorğaytın mifologiyalıq keyipkerlerdiñ erlik oqiğaların bayandaydı. Tuındınıñ maqsatı — balalardı adamgerşilikke, patriottıqqa, mädeni qwndılıqtarğa baulu. Personaj attarı da nağız wlttıq bolmısqa say:
Aqpanter — batıl da jıldam barıs,
Altınqanat — qırağı bürkit,
Tasbatır ata — ğasır jasağan dana tasbaqa.

Qazir Ğasır Qwralbaywlı kelesi bölimderdi dayındap jatır. Aldağı uaqıtta tolıqmetrajdı, kinoteatrlarğa arnalğan kommerciyalıq mul'tfil'm tüsirudi de josparlap otır.