قازاقستاندا تابيعي ورتتەردىڭ الدىن الۋعا باعىتتالعان تسيفرلىق جۇيە جاڭارتىلماق. بۇل تۋرالى ۇكىمەت وتىرىسىندا تسيفرلىق دامۋ, يننوۆاتسييالار جانە اەروعارىش ونەركاسىبى مينيسترى جاسلان ماديەۆ مالىمدەدى, دەپ حابارلايدى Shalqar.kz.

مينيستردىڭ ايتۋىنشا, ورت قاۋپى جوعارى ايماقتاردى ناقتى ارى جەدەل انىقتاۋ ۇشىن ينتەراكتيۆتى كارتا ازىرلەنگەن. ول mchs.gharysh.kz جانە tabigat.gov.kz جۇيەلەرى ارقىلى اشىق قولجەتىمدى. جۇيە سپۋتنيكتەن تۇسىرىلگەن مالىمەتتەر مەن جەرۇستى مەتەوستانتسييالارىنىڭ دەرەكتەرىن بىرىكتىرىپ, ەل اۋماعىن تولىق قامتيدى. بۇل تاسىل ورمان, دالا ورتى سيياقتى توتەنشە جاعدايلاردى الدىن الا بولجاۋعا مۇمكىندىك بەرەدى.

— بىز تەمپەراتۋراسى قالىپتان تىس جوعارى نۇكتەلەردى سپۋتنيك ارقىلى انىقتاپ, 2–4 ساعات ىشىندە كارتادا كورسەتەمىز. ال بولاشاقتا بۇل ۋاقىتتى 30 مينۋتقا دەيىن قىسقارتۋ جوسپارلانىپ وتىر, — دەدى مينيستر.

شىلدە ايىندا جەرۇستى ستانتسييالارىن جاڭعىرتۋ جۇمىستارى باستالادى. بۇل جاڭاشىلدىق ورت قاۋپى تۋرالى دەرەكتەردىڭ جەدەل بەرىلۋىن قامتاماسىز ەتىپ, جاۋاپتى ورگانداردىڭ ارەكەت ەتۋ ۋاقىتىن ەداۋىر قىسقارتپاق.

ايتا كەتەيىك, دال قازىر شىعىس قازاقستان وبلىسىنىڭ زايسان اۋدانىندا ورت سوندىرۋشىلەر قامىسپەن شوپتى جالماعان ورتپەن ارپالىسىپ جاتىر.