Qazaqstanda tabiği örtterdiñ aldın aluğa bağıttalğan cifrlıq jüye jañartılmaq. Bwl turalı Ükimet otırısında Cifrlıq damu, innovaciyalar jäne aeroğarış önerkäsibi ministri Jaslan Mädiev mälimdedi, dep habarlaydı Shalqar.kz.

Ministrdiñ aytuınşa, ört qaupi joğarı aymaqtardı naqtı äri jedel anıqtau üşin interaktivti karta äzirlengen. Ol mchs.gharysh.kz jäne tabigat.gov.kz jüyeleri arqılı aşıq qoljetimdi. Jüye sputnikten tüsirilgen mälimetter men jerüsti meteostanciyalarınıñ derekterin biriktirip, el aumağın tolıq qamtidı. Bwl täsil orman, dala örti siyaqtı tötenşe jağdaylardı aldın ala boljauğa mümkindik beredi.

— Biz temperaturası qalıptan tıs joğarı nüktelerdi sputnik arqılı anıqtap, 2–4 sağat işinde kartada körsetemiz. Al bolaşaqta bwl uaqıttı 30 minutqa deyin qısqartu josparlanıp otır, — dedi ministr.

Şilde ayında jerüsti stanciyaların jañğırtu jwmıstarı bastaladı. Bwl jañaşıldıq ört qaupi turalı derekterdiñ jedel beriluin qamtamasız etip, jauaptı organdardıñ äreket etu uaqıtın edäuir qısqartpaq.

Ayta keteyik, däl qazir Şığıs Qazaqstan oblısınıñ Zaysan audanında ört söndiruşiler qamıspen şöpti jalmağan örtpen arpalısıp jatır.