ەلوردادا ورتالىق ازييا جۋرناليستيكاسىنىڭ ەڭ اۋقىمدى الاڭدارىنىڭ بىرى – ىى ورتالىق ازييا مەديا فورۋمى باستالدى. شاراعا 700-دەن استام دەلەگات جينالدى. ولاردىڭ قاتارىندا ساياساتكەرلەر, حالىقارالىق ۇيىم وكىلدەرى, تانىمال مەدياماماندار مەن اقپارات قۇرالدارىنىڭ باسشىلارى بار, دەپ حابارلايدى Shalqar.kz.

فورۋمعا قازاقستانمەن قاتار, وزبەكستان, قىرعىزستان, تاجىكستان, تۇرىكمەنستان, ازىربايجان, قىتاي, رەسەي, كاتار جانە ۇلىبريتانييادان كەلگەن ساراپشىلار قاتىسۋدا.

ماقسات – وڭىرلىك مەديا ىنتىماقتاستىقتى كۇشەيتۋ, تسيفرلىق ترانسفورماتسييا ۇدەرىستەرىن تالقىلاۋ جانە اقپارات قۇرالدارىنىڭ قوعامداعى رولىن جاڭا قىرىنان قاراستىرۋ.

ەكى كۇنگە جوسپارلانعان جيىندا مەديانىڭ جاساندى ينتەللەكت داۋىرىندەگى ورنى, الەۋمەتتىك جەلىلەردىڭ ەل يميدجىنە ىقپالى, سونداي-اق كليماتتىڭ وزگەرۋى مەن گەوساياسي تۇراقسىزدىق سەكىلدى جاھاندىق سىن-قاتەرلەر دە نازاردان تىس قالمايدى.

سونداي-اق فورۋم اياسىندا ورتالىق ازييا ەلدەرىنىڭ اقپارات سالاسىنداعى وكىلدەرى باس قوسىپ, بولاشاققا باعىتتالعان ناقتى ۇسىنىستاردى ورتاعا سالادى.