Astanada ötken İİ Ortalıq Aziya media forumında özbekstandıq körermender endi qazaqstandıq telearnalardı da tamaşalay alatını belgili boldı. Bwl – eki el arasındağı aqparattıq baylanıstıñ jaña kezeñi, dep habarlaydı Shalqar.kz.

Özbekstan Prezidenti Äkimşiligi janındağı Aqparat jäne qoğamdıq kommunikaciyalar agenttiginiñ direktorı Asadjon Hodjaev elimizden bölek, Türkiya, Türikmenstan jäne Äzerbayjan arnaları da körşi eldiñ efirine engizilgenin atap ötti.

– Biz bwl bağıtta jwmıstı äli de jalğastıramız. Ortalıq Aziya elderi wlttıq arnaların özara efirlik keñistikke engizu täjiribesin qolğa aluımız qajet. Bwl – mädeni-gumanitarlıq baylanıstı küşeytip, halıqtar arasındağı tüsinistikke köpir bola aladı, – dedi Hodjaev.

Onıñ aytuınşa, Özbekstan Qazaqstannıñ ortaq aqparattıq alañ qwru ideyasın tolıqtay qoldaydı. Aymaqtağı memleketterge ortaq, halıqaralıq Silk Way arnasınıñ mümkindigin paydalana otırıp, bükil öñirge ortaq ünqatatın media keñistik qalıptastıru wsınıldı.

– Biz Silk Way arnasınıñ halıqaralıq platformağa aynaluına qarsı emespiz, kerisinşe, ondağı jwmıstı belsendi türde qoldauğa dayınbız, – dedi ol.

Bwl bastama qazaq tili men mädenietiniñ körşi elderde keñinen tanıluına tağı bir mümkindik bermek.