اقتوبە وبلىسىندا مەملەكەتتىك قىزمەتشىلەردىڭ جۇمىس كۇنى جارتى ساعاتقا ەرتەرەك باستالاتىن بولدى. 2025 جىلدىڭ 21 ساۋىرىنەن باستاپ جەرگىلىكتى اتقارۋشى ورگانداردا جۇمىس ۋاقىتى 08:30-دان 17:30-عا دەيىن بەلگىلەندى, دەپ حابارلايدى Shalqar.kz وڭىرلىك اكىمدىككە سىلتەمە جاساپ.

تۇسكى ۇزىلىس بۇرىنعىداي ەمەس – 12:30-دان 13:30-عا دەيىن. ال بۇعان دەيىن مەملەكەتتىك قىزمەتكەرلەر 09:00-دەن 18:30-عا دەيىن جۇمىس ىستەپ كەلگەن بولاتىن.

جاڭا كەستە جاي بەكىتىلە سالعان جوق – ىشكى ساۋالناما ناتيجەسى بويىنشا قىزمەتكەرلەردىڭ 70%-دان استامى جۇمىس كۇنىن ەرتە باستاۋ تيىمدى دەپ تاپقان. اكىمدىك وكىلدەرى بۇل شەشىم حالىققا قىزمەت كورسەتۋ ساپاسىن ارتتىرۋعا جانە مەملەكەتتىك ورگاندار جۇمىسىنىڭ تيىمدىلىگىن كوتەرۋگە باعىتتالعانىن ايتادى.

ايتا كەتەيىك, بۇعان دەيىن دال وسىنداي باستامانى شىعىس قازاقستان وبلىسى دا جۇزەگە اسىرعان بولاتىن. وندا 11 اۋدان مەن ريددەر قالاسىندا جۇمىس كۇنى تاڭعى 08:00-دە باستالادى. دەگەنمەن بۇل وزگەرىس مەكتەپتەر, بالاباقشالار مەن مەديتسينا مەكەمەلەرىنىڭ كەستەسىنە اسەر ەتكەن جوق.