Қазақстан мен Украина арасындағы дипломатиялық көпірге жаңа тұлға келді. Мемлекет басшысының жарлығымен Төлежан Барлыбаев Қазақстанның Украинадағы төтенше және өкілетті елшісі болып тағайындалды, деп хабарлайды Shalqar.kz Ақордаға сілтеме жасап.

Жаңа елші ел мүддесін енді Киев төрінде қорғайтын болады. Ол бұл қызметте 2020 жылдан бері Украинадағы дипломатиялық миссияны басқарып келген Дархан Кәлетаевтың орнын басады. Кәлетаев қызметінен босатылды.

Төлежан Барлыбаев – тәжірибелі дипломат. Енді оның алдағы миссиясы – Қазақстан мен Украина арасындағы байланыстарды жаңа деңгейге шығару, геосаяси тұрақсыз кезеңде екі ел арасындағы әріптестікті сақтап қалу болмақ.