Бүгін Ақордада салтанатты рәсім өтті – Қазақстан Президенті Қасым-Жомарт Тоқаев жеті мемлекеттің жаңадан тағайындалған елшілерінен сенім грамоталарын қабылдады, деп хабарлайды Shalqar.kz Ақордаға сілтеме жасап.

Сенім грамоталарын тапсырған елшілер:
 • Беларусь Республикасынан – Алексей Богданов
 • Таиланд Корольдігінен – Пияпин Нийомреркс
 • Молдова Республикасынан – Штефан Горда
 • Мьянма Одағы Республикасынан – Тит Линн Оун
 • Кения Республикасынан – Питер Мутуку Матуки
 • Албания Республикасынан – Блерта Кадзадеш
 • Италия Республикасынан – Антонелло де Риу

Мемлекет басшысы дипломаттарды ресми миссияларының басталуымен құттықтап, Қазақстан әрқашан өзара тиімді ынтымақтастықты дамытуға ниетті екенін айтты. Ол еліміздің бейбіт әрі теңгерімді сыртқы саясат ұстанымын тағы да нақтылап өтті.

“Халықаралық қатынастарда диалог пен өзара ықпалдастық маңызды. Бұл ретте БҰҰ Жарғысын сақтау – басты қағидаттың бірі”, – деді Президент.