2024 жылы Қазақстанға келген шетелдік туристер ел экономикасына 2,6 миллиард доллардан астам табыс әкелген. Бұл — Ұлттық банктің ресми дерегі. Туризмнің ел дамуына қосар үлесі артып келе жатқаны осындай нақты көрсеткіштермен расталып отыр, деп хабарлайды Shalqar.kz.

Алыс шетелден келген әрбір турист орта есеппен 1200-1500 доллар аралығында қаражат жұмсайды екен. Яғни, олар жай ғана қыдырып қоймай, еліміздің түрлі салаларына нақты пайдасын тигізіп отыр.

Ең көп шығынданған туристер:
 • Қытай — 307 млн доллар
 • Германия — 56 млн доллар
 • Түркия — 53 млн доллар
 • АҚШ — 47 млн доллар

Сарапшылардың айтуынша, бұл — Қазақстан туризмінің халықаралық деңгейде сұранысқа ие бола бастағанының дәлелі. Демек, табиғаты көркем, мәдениеті бай еліміз әлем туристерінің жаңа бағытына айналып келеді.