Алматыда балаларды зиянды контенттен қорғауға арналған ерекше жоба іске қосылды. Енді ата-аналар арнайы «SIM KIDS» сим-картасы арқылы баласының онлайн кеңістіктегі әрекетін бақылап, қажетсіз контентке шектеу қоя алады, деп хабарлайды Shalqar.kz.

Бұл бастама — Бас прокуратура мен TELE2/ALTEL операторларының бірлескен пилоттық жобасы. Сим-карта арқылы ата-ана:
 • баласының қандай қосымшалар пайдаланатынын көре алады,
 • зиянды сайттарға кіруді бұғаттай алады,
 • құрылғы үнсіз болса да, хабарласа алады.

Басты мақсат – баланы интернеттегі:
 • суицидті насихаттайтын ойындардан,
 • есірткі мен порнографиядан,
 • онлайн-казино және басқа да психикаға зиянды ақпараттардан қорғау.

Бас прокурор Берік Асылов бұл жобаға ерекше мән беріп отыр. Оның айтуынша, балалардың цифрлық қауіпсіздігін қамтамасыз ету — мемлекет үшін маңызды міндет. Қазір бұл бастама сынақ кезеңінде, кейін барша қазақстандық ата-аналар үшін қолжетімді болады.