الماتىدا بالالاردى زيياندى كونتەنتتەن قورعاۋعا ارنالعان ەرەكشە جوبا ىسكە قوسىلدى. ەندى اتا-انالار ارنايى «SIM KIDS» سيم-كارتاسى ارقىلى بالاسىنىڭ ونلاين كەڭىستىكتەگى ارەكەتىن باقىلاپ, قاجەتسىز كونتەنتكە شەكتەۋ قويا الادى, دەپ حابارلايدى Shalqar.kz.

بۇل باستاما — باس پروكۋراتۋرا مەن TELE2/ALTEL وپەراتورلارىنىڭ بىرلەسكەن پيلوتتىق جوباسى. سيم-كارتا ارقىلى اتا-انا:
 • بالاسىنىڭ قانداي قوسىمشالار پايدالاناتىنىن كورە الادى,
 • زيياندى سايتتارعا كىرۋدى بۇعاتتاي الادى,
 • قۇرىلعى ۇنسىز بولسا دا, حابارلاسا الادى.

باستى ماقسات – بالانى ينتەرنەتتەگى:
 • سۋيتسيدتى ناسيحاتتايتىن ويىنداردان,
 • ەسىرتكى مەن پورنوگرافييادان,
 • ونلاين-كازينو جانە باسقا دا پسيحيكاعا زيياندى اقپاراتتاردان قورعاۋ.

باس پروكۋرور بەرىك اسىلوۆ بۇل جوباعا ەرەكشە مان بەرىپ وتىر. ونىڭ ايتۋىنشا, بالالاردىڭ تسيفرلىق قاۋىپسىزدىگىن قامتاماسىز ەتۋ — مەملەكەت ۇشىن ماڭىزدى مىندەت. قازىر بۇل باستاما سىناق كەزەڭىندە, كەيىن بارشا قازاقستاندىق اتا-انالار ۇشىن قولجەتىمدى بولادى.