Almatıda balalardı ziyandı kontentten qorğauğa arnalğan erekşe joba iske qosıldı. Endi ata-analar arnayı «SIM KIDS» sim-kartası arqılı balasınıñ onlayn keñistiktegi äreketin baqılap, qajetsiz kontentke şekteu qoya aladı, dep habarlaydı Shalqar.kz.

Bwl bastama — Bas prokuratura men TELE2/ALTEL operatorlarınıñ birlesken pilottıq jobası. Sim-karta arqılı ata-ana:
 • balasınıñ qanday qosımşalar paydalanatının köre aladı,
 • ziyandı sayttarğa kirudi bwğattay aladı,
 • qwrılğı ünsiz bolsa da, habarlasa aladı.

Bastı maqsat – balanı internettegi:
 • suicidti nasihattaytın oyındardan,
 • esirtki men pornografiyadan,
 • onlayn-kazino jäne basqa da psihikağa ziyandı aqparattardan qorğau.

Bas prokuror Berik Asılov bwl jobağa erekşe män berip otır. Onıñ aytuınşa, balalardıñ cifrlıq qauipsizdigin qamtamasız etu — memleket üşin mañızdı mindet. Qazir bwl bastama sınaq kezeñinde, keyin barşa qazaqstandıq ata-analar üşin qoljetimdi boladı.